O Skatepark de Camas, en Sevilla, acollerá este sábado, 1 de maio, o Campionato de España de Park 2021. Nel competirán tres riders galegas: Julia Benedetti, Lucía Couñago e Valentina Planes.
As deportistas coruñesas acudirán ao torneo que segue estrictas medidas de seguridade sanitaria. O aforo nos adestramentos será de trinta persoas, e as skaters e as persoas acompañantes deberán chegar ao recinto con vinte minutos de antelación ao seu heat.
Ver esta publicación en Instagram
Este sábado coñecerase á campioa de España da edición do 2021, e a proba será puntuable para os Xogos Olímpicos de Toquio 2021, coa modalidade Park incluída dentro das competicións oficiais do World Skate Skateboarding. A primeira clasificada sumará 3.330 puntos, a segunda 2.000, a terceira 1.200, a cuarta 960 e a quinta 770.
Julia Benedetti, actual campioa, buscará revalidar o seu título
Precisamente no ránking do World Skate Skateboarding, Julia Benedetti, quen irá a revalidar o título de campioa española, e é a 18ª clasificada mundial, con opcións de clasificarse para os Xogos Olímpicos. En Camas, a rider galega estreará en competición oficial a súa nova táboa na que loce o logo da marca Cabreiroa da que é embaixadora e que lle deseñou o destacado artista galego do grafitti POWone.
Segundo informa a Federación Galega de Patinaxe, a semifinal feminina do Campionato de España será ás 15:30 horas o heat 1 e ás 16:01 horas o heat 2. A final disputarase ás 18:45 horas.
Julia Benedetti, aspirante a estar en Toquio 2021, nomeada embaixadora de Cabreiroá
