Julia Benedetti ten so ten 16 anos, pero fai todo tipo de trucos sobre a súa táboa de skate. A deportista coruñesa vai camiño dos Xogos Olímpicos de Toquio 2021. Ese é o seu gran obxectivo deste ano. De camiño, esta fin de semana, disputará en Sevilla o Campionato de España de Park no Skatepark de Camas e xa está adestrando co seleccionador estatal. Alí xa chegará cun novo título, aínda que non é deportivo. Benedetti ven de ser nomeada embaixadora da firma de auga galega Cabreiroa. E estreará unha táboa única, deseñada so para ela polo grafitteiro galego POWone.
A firma e a deportista facían pública a nova a través das súas redes sociais cun vídeo no que explicaban desde Cabreiroa estar “encantados de compartir con vós esta gran nova. ¡Julia Benedetti, campioa de España de Skateboarding e medalla de bronce nos mundiais de Qatar, será a nosa embaixadora! Para festexalo e apoioala neste longo camiño de éxitos que ten por diante, deseñamos unha táboa á súa medida xunto co recoñecido grafitteiro gallego @POW_one. A por todas, @juliabenedetti_sk8! ”
Ver esta publicación en Instagram
Pola súa banda a skater Julia Benedetti tamén compartiu o vídeo de Cabreiroa explicando que lle facía “ilusión anunciar” ese apoio de Cabreiroá. “Ademais fixemos unha táboa nova con POWone para festexalo! Déixovos este vídeo estrenándoa en Maroña Indoor”.
Benedetti, está concentrada en Sevilla co seleccionador
A deportista xa está en Sevilla preparándose para conseguir clasificarse para os Xogos de Toquio.
A coruñesa está a participar en diferentes concentracións cos mellores skaters de España. Adestran xuntos para mellorar o seu nivel de cara ás próximas citas puntuables para a clasificación olímpica.
Despois da concentración que tivo lugar na localidade de Málaga Julia Benedetti está xa en Sevilla baixo a dirección do seleccionador Alain Goikoetxea. Esta concentración de skaters está a ter lugar xusto antes do campionato estatal da modalidade de Park.
De hoxe mércores 28 ao 30 de abril a galega, 18ª no ránking feminino do World Skate Skateboarding, realizará varias sesións de traballo na capital andaluza.
Coa chegada desta fin de semana a skater galega afrontará a competición do Campionato de España de Park 2021, que terá lugar en Sevilla, no Skatepark de Camas o sábado 1 de maio.
Despois, chegarán citas como o Dew Tour de Iowa (EUA), que terá lugar do 17 ao 23 de maio, con modalidades street e park. Finalmente, do 14 ao 20 de xuño celebrarase o Park Wold Championship.
Campionato de España de Park
Este sabado 1 de maio, o Skatepark de Camas, en Sevilla, acollerá o Campionato de España de Park 2021, segundo informa a FEP. Esta cita deportiva sobre rodas, ademais de coroar aos novos campións de España de Park, tamén será puntuable para os Xogos Olímpicos de Tokio 2020.
Segundo os criterios de clasificación de World Skate Skateboarding para Tokio 2020, os primeiros clasificados tanto en categoría masculina como feminina sumarán 3.330 puntos, os segundos 2.000, os terceiros 1.200, os cuartos 960 e os quintos 770. Pero esta puntuación non é acumulable, así que, no caso de Benedetti revalide o seu título, non sumará a puntuación de 2021 ao seu oro de 2020.
Con todo, demostrar por qué e a favorita e colgarse de novo a medalla que lle da o título de campioa estatal no pescozo seguramente non será pouco aliciente para a skater coruñesa.
As semifinais e as finais do Campionato de España de Park 2021 poderanse seguir en directo a través da FEPTV, a plataforma oficial de streaming coa que conta a Real Federación Española de Patinaje.
De confirmar o seu billete para os Xogos Olímpicos de Toquio 2021, Julia Benedetti cumplirá un soño e fará historia xa que non hai que esquecer que o skate participa nesta competición de competicións por primeira vez. Nunca antes uns Xogos Olímpicos contaron con esta disciplina de malabaristas sobre unha táboa de skate.
Julia Benedetti irá convocada coa Selección Española Park á procura dun sitio en Toquio
