A lanzadora galega Belén Toimil acudirá este martes, 11 de maio, ao programa de La Resistencia, presentado por David Broncano. A atleta de Mugardos é unha das mellores na súa disciplina a nivel europeo e a mellor en España.
No Campionato de Europa celebrado o pasado mes de marzo, a mugardesa rompeu o récord estatal de lanzamento de peso, cunha marca de 18,64. Esta mesma distancia foi a que lle valeu a sétima posición a nivel continental e o billete a Toquio 2021.
Belén Toimil: “Son sétima de Europa. Quen mo tería dito hai uns días!”
Na última competición na que participou a lanzadora, os resultados non acompañaron tanto. A Copa de Europa de Lanzamentos deixou á galega como décima clasificada.
A marca obtida pola lanzadora nesta competición estivo dous metros por debaixo do seu récord, nun 16,53. Con todo, a mugardesa foi a mellor española da competición, superando a Úrsula Ruíz.
Toimil visitará a Broncano
O programa de Movistar+ contará esta noite coa galega do Playas Castellón, que vén de facer unha tempada exitosa e ten os Xogos Olímpicos á volta da esquina.
ESTÁ PASANDO SEÑORES @belentoimil https://t.co/wKdR4l7duu
— CA Playas de Castellón (@atletismoplayas) May 11, 2021
La Resistencia, dirixido por David Broncano, é un dos programas máis vistos a nivel estatal, e foi o primeiro late late show das canles españolas. Toimil non será a primeira deportista galega en pasar polo sofá do programa, xa que antes dela estiveron Lara Balseiro, Peque e Jozi representando ao Pescados Rubén Burela.
👏🏻 La que más lejos lanza el troncho ese en España. LA QUE MÁS. #LaResistencia @belentoimil pic.twitter.com/UrAn8m3utb
— La Resistencia en Movistar+ (@LaResistencia) May 11, 2021
