Este é o ano de Belén Toimil que segue a sumar éxitos. A atleta galega do Playas de Castellón finalizaba en sétima posición o seu concurso na final de lanzamento de peso no Campionato de Europa en pista cuberta que acolle a cidade polaca de Torun. Aínda que lanzou por debaixo da súa marca de onte (18.64) a de mugardos volveu superar os 18 metros. O seu mellor intento chegou aos 18.01 e supón a súa segunda mellor marca do ano. “Son sétima de Europa. Quen mo tería dito hai uns días!”, sinalaba ao rematar a competición.
O primeiro que se infire é que Belén Toimil pode afianzarse en lanzamentos por riba dos 18 metros. Ela mesma confesaba que os nervos influiron negativamente na súa participación na final de Torun. “A competición de hoxe non me gustou tanto como a de onte”, explicaba na súa comparecencia ante os medios.
Con todo a progresiónd de Belén Toimil nos últimos meses fai soñar con que o seu concurso en Tokio 2021, para o que conseguiu praza neste Campionato de Europa, pode ser moi ilusionante.
“Xa está, a descansar!”. Así iniciaba a deportista a súa comparecencia ante a prensa. Cun sorriso e contenta co traballo realizado, aínda que confesaba que “a competición de hoxe non me gustou tanto como a de onte. Xa me atacaron os nervos e xa non competín igual. Calentando fixen un par de tiros en 18 e pico, e dixen, me atopo moi ben. E logo xa empezóu o meollo, a competición, e custoume controlar os nervos”, explicaba a de Mugardos.
“Atopábame ben. Fixen 17.80, e dixen ‘veña Belén que podes’. Se cadra cun par de tiros máis tería conseguido algo mellor, pero fixen 18.01 que segue a ser a miña segunda mellor marca! Non nos imos poñer exquisitos!”, bromeaba a atleta galega.
Belén Toimil confesaba estar “nunha nube”. “Son sétima de Europa. Quen mo tería dito hai uns días!”, sinalaba. Con todo, a lanzadora dicía estar “moi contenta” pero ter quedado coas ganas de “poder ter feito algo parecido ao de onte na final, pero estou nunha nube. Vou tardar en asimilar todo o de onte e o de hoxe. Pero estou encantada”, apuntaba.
Consultada sobre se puido durmir logo do éxito da primeira xornada declarou: “Durmín pouco pero non por mirar o móbil. Estaba moi activa, custoume conciliar o sono. Miraba para o teito e decía bua, que pasada! Quería estar concentrada. Agora contestarei a todo o cariño da xente”
Na mente de Toimil os retos sucédense “Ter conseguido 18 dúas veces motívame moito para o verán”, apuntaba en referencia ás competicións ao aire libre. “Voume pegar unha semaniña de descanso, que a merezo, pero estou motivadísima para o verán. A por todas!”, avisaba.
“La competición de hoy no me gustó tanto como la de ayer”
“Aún así, acabé con 18.01, mi segunda mejor marca de siempre y séptima de Europa”
👏🏼 Doña María Belén Toimil Fernandez 👏🏼 @belentoimil #EspañaAtletismo #PasiónPorCompetir #Torun2021 pic.twitter.com/dbaNsSikPV
— atletismoRFEA (@atletismoRFEA) March 5, 2021
A atleta galega se colaba a última hora na Selección Española que conformaba a Real Federación Española de Atletismo (RFEA) a través dunha ‘repesca’ que fixo xustiza á grande tempada que estaba a realizar. Pero neste Europeo, a de Mugardos superou as súas propias espectativas que simplemente estaban en chegar aos 18 metros. Onte, Toimil acadaba un lanzamento extraordinario colocando o novo récord de España de lanzamento de peso na cota dos 18.64 m.
Belén Toimil competirá en Galicia este mes
Tal e como apuntan desde a Federación Galega de Atletismo “esta competición ademais de sitúala na elite do lanzamento de peso, fan que continúe con moi boas sensacións para poder seguir progresando nesta especialidade de cara a gran cita olímpica”.
En nada Belén Toimil estará competindo na súa terra. Está previsto que a atleta mugardesa acuda ao Campionato de Galicia de pista cuberta que terá lugar no recinto de Expourense o próximo día 14 de marzo.
Quen sabe até onde poderá lanzar sentíndose tranquila, na casa e arroupada, mágoa de público que poidera, desde a bancada, trasladarlle os seus azos á lanzadora galega. Pero a seguridade das deportistas debe primar nesta situación de pandemia por COVID-19 e a competición celebrarase a porta pechada.
Belén Toimil acada o seu billete a Tokio batendo o récord de España
