Belén Toimil, plusmarquista nacional olímpica, proclamouse campioa de España na modalidade de lanzamento de peso. A galega defendía un título que non deixou escapar pero quedou lonxe das súas aspiracións ao non acadar a mínima para acudir ao Europeo. Sabor agridoce polo tanto o que agocha este novo ouro da atleta mugardesa.
Dos seis lanzamentos que realizou no concurso de peso Belén Toimil asinaba unha tarxeta cun primeiro lanzamento con 16.98, segundo nulo, terceiro de 17.80m (marca que lle deu o título), cuarto intento de 17.42m, quinto de 17.43m e sexto nulo. A deportista de Mugardos lamentaba non ter chegado á mínima para acudir ao Europeo “sei que podo facelo” declaraba Belén Toimil ao tempo que manifestaba a súa fachendo por obter o título novamente repetindo así no máis alto do podio estatal.
En definitiva, Belén Toimil cumplía prognósticos e asinaba o seu terceiro título como campioa de España de lanzamento de peso.
🥇🥇BELÉN TOIMIL CAMPIOA DE ESPAÑA ABSOLUTA🥇🥇
A plusmarquista nacional olímpica, proclámase novamente Campioa de España no concurso de peso cun mellor lanzamento no seu terceiro tiro de 17.80 m.
PARABÉNShttps://t.co/MGz5w1QylV pic.twitter.com/F0fnQXTdZw— Atletismo Galego (@atletismogalego) June 24, 2022
No lanzamento de disco, Belén Toimil, atleta galega do Playas de Castellón, finalizou o concurso en sexto lugar. Nulo no primeiro intento, asinou 38.96 no segundo, e 46.56 no terceiro. O mellor lanzamento de Belén Toimil foi o cuarto no que chegou aos 48.66, lonxe dos 54.98m de June Kintana, do Grupoempleo Pamplona At, campioa de España nesta modalidade atlética.
Entre as atletas galegas que xa competiron cabe salientar o concurso da marchadora da Sociedad Gimnástica de Pontevedra Antía Chamosa que conseguiu bater o récord galego na distancia de 10.000m marcha cunha marca de 45:14.10 rematando a proba en cuarto lugar neste Campionato de España absoluto ao aire libre que se está a celebrar na localidade malagueña de Nerja. Con este tempo, Antía Chamosa rebaixaba a marca de Lorena Luaces que situaba o récord galego nesta distancia, antes desta competición en 45:49.43. A marca de Luaces estaba vixente desde 2013.
Nesta mesma distancia competía a tamén galega Carmen Escariz, do Club Ourense Atletismo, que finalizou a proba en sexto lugar cun tempo de 46:36.47. Venceu esta competición Laura García-Caro cun crono de 43:19:76.
💥 #recordgalegoatletismo Absoluto Aire Libre💥
👉 Antía Chamosa Dacasa (Sociedad Gimnástica)
⏱ 10.000 marcha con 45:14.10
📍 Nerja, 24 de xuño 2022
🏁Adestradora: Monserrat Pastor
⌛️ Anterior RG: Lorena Luaces con 45:49.43 (2013)
🎉PARABÉNS!!https://t.co/hqIWamrfn9 pic.twitter.com/lYi4jl4DDK— Atletismo Galego (@atletismogalego) June 24, 2022
Outra galega que batiu récord en Nerja foi Adi Iglesias. A atleta do Lucus Caixa Rural Galega baixou o crono dos 200m na súa quenda eliminatoria na que finalizou en segundo lugar con 24.10, por detrás de Aitana Rodrigo que cruzou a meta parando o crono en 23.82.
A súa marca, ademais de récord galego absoluto de atletismo ao aire libre, segundo informa a RFEA sería “récord mundial paralímpico na súa categoría”. Con este tempo Adiaratou Iglesias accede á final da proba que terá lugar mañá domingo 26 de xuño.
💥 #recordgalegoatletismo Absoluto Aire Libre💥
👉 Adi Iglesias Forneiro (Lucus Caixa Rural Galega)
⏱ 200 m. con 24.10
📍 Nerja, 25 de xuño 2022
🏁Adestradora: Jose Luis Calvo
🎉PARABÉNS!!https://t.co/msFf99NzJ3 pic.twitter.com/FEqVvBhqjm— Atletismo Galego (@atletismogalego) June 25, 2022
Accede á final dos 100 m valados a galega Paula González, do Ría de Ferrol Concepción Arenal que foi terceira na segunda eliminatoria cun tempo de 13.88, a súa mellor marca persoal. Ás portas quedou a tamén galega Teresa Rodríguez, do Riazor Coruña, que competiu na mesma quenda pero foi quinta con 14.39 facendo tamén a súa mellor marca persoal. Na primeira eliminatoria corría Lucía Ferrer, atleta da Sociedad Gimnástica de Pontevedra, que foi quinta na súa quenda e que, pese a asinar tamén a súa mellor marca persoal, tamén queda fóra da final cun tempo de 14.29.
Na competición de lanzamento de martelo a actuación das atletas galegas colocou a Irene Gómez, do Valencia Atletismo, no oitavo lugar cun mellor lanzamento de 56.02 m. e a Blanca Pereira, do Club Ourense Atletismo no décimo lugar con 52.57 metros.
Así foi o concurso de Eva Queimaño, 8ª no heptatlón combinadas
Na proba dos 100 mv de heptatlón combinadas, Eva Queimaño, do Super Amara BAT, finalizou en terceiro lugar cun tempo de 15.05. No salto de altura, foi sétima cun mellor intento de 1.65. Na proba de lanzamento de peso, a galega Eva Queimaño foi quinta cun mellor intento de 10.76 m. Nos dous previos fixo 9.77 e 9.97m. Na proba de lonxitude Eva Queimaño foi novena con 5.44.
No concurso de lanzamento de xavelina, Queimaño asinaba un mellor lanzamento de 31.34 que a colocou 8ª. Nos 200m nestas probas de heptatlón combinadas, a atleta galega foi 4ª na súa quenda cun tempo de 26.42 (MMP). Finalmente nos 800m asinaba un tempo de 2:24.16 co que quedaba en sexto lugar nesa disciplina. No global do heptatlón a galega foi 8ª.
Na loita por entrar na final dos 400m valados quedou ás portas Claudia Rojo. A galega, que milita no Valencia Club Atletismo, foi cuarta na súa quenda (a semifinal 3) cun tempo de 1:00.69. A primeira na súa quenda foi Carla García cun crono que melloraba o tempo de Claudia Rojo en 0.241.
María Carballido, do Atletismo Friol, correu a primeira semifinal dos 800m cruzando a meta en cuarta posición cun tempo de 2:10.33. A marca no permitiu á galega clasificarse para final desta proba.
Na distancia de 1.500m non haberá galegas na final. Competiron Antía Castro, do Club Ourense Atletismo, que foi sétima na súa quenda (2/3) cun tempo de 4:28:32 (MMP), Marina Bagur, do Ría de Ferrol Concepción Arenal, foi 8ª na súa quenda (1/3) con 4:32:40 (MMP). Laura Santos, do Lucus Caixa Rural Galega, non chegou a tomar a saída.
Na proba de triplo salto, marcada pola ausencia da galega Ana Peleteiro debido ao seu embarazo, a representación galega foron Uxía Paz, do Atletismo Feminino Celta, que saltou 12.02, 12.13 e 11.90 quedandon en noveno lugar. E tamén Alba Cuns, do Playas de Castellón que figura sen marca.
Queres ver o concurso de Belén Toimil no lanzamento de peso? Deixámoste aquí o vídeo da RFEA.
Resultados das probas femininas con atletas galegas participantes dentro do Campionato de España de atletismo ao aire libre:
- Lanzamento de peso
- 10.000 Marcha
- 100 MV heptatlón combinadas
- 200m heptatlón combinadas
- Altura heptatlón combinadas
- Peso heptatlón combinadas
- Lonxitude heptatlón combinadas
- Xavelina heptatlón combinadas
- 800m heptatlón combinadas
- Clasificación final do heptatlón combinadas
- Lanzamento de martelo
- Semifinal 3ª 400m valados
- Eliminatoria 3/4 dos 200m
- Semifinal 1/3 800m
- Eliminatoria 1/4 100 mv
- Eliminatoria 2/4 100 mv
- Lanzamento de disco
- 1.500m semifinal 2/3
- 1.500m semifinal 1/3
- Triplo salto
