Tres quintos postos se traen as galegas Belén Toimil e Ana Peleteiro do Campionato Europeo de Nacións Superliga que tivo lugar esta fin de semana en Chorzow (Polonia). Ese foi o posto que asinaron de xeito individual a de Mugardos e a de Ribeira, e foi tamén o posto que acadou o equipo de España que igualaba, así a súa mellor clasificación ata o momento esta competición. A outra vez que o equipo estatal español ocupou ese lugar foi en Lille en 2017.
CAMPEONATO DE EUROPA DE NACIONES @silesia21
🚺 PESO
5ª @belentoimil 17.07 (3 puntos)Líder 🇪🇸 del año
📺https://t.co/GmixCR2kLG#EspañaAtletismo #PasiónPorCompetir pic.twitter.com/doWCkLn8mn
— atletismoRFEA (@atletismoRFEA) May 30, 2021
O ranking deste Campionato de Europa de Nacións quedou do seguinte xeito:
- Polonia: 181,50 puntos
- Italia: 179 puntos
- Gran Bretaña e Irlanda do Norte: 174 puntos
- Alemaña: 171 puntos
- España: 167 puntos
- Francia: 140 puntos
- Portugal: 97,50 puntos
Foi polo tanto unha xornada histórica para o atletismo español a vivida este domingo no Silesian Stadium de Chrzow. Foi precisamente a mugardesa Belén Toimil quen puxo no casilleiro os puntos que fixeron pasar a España do sétimo ao quinto posto. No lanzamento de peso, a galega chegou até os 17,07m.
Estrea de Belén Toimil nesta competición
Parece que este é o ano das primeiras veces para a lanzadora galega Belén Toimil quen, desta volta, estreábase nun Europeo de Nacións. A deportista galega quedou por detrás da xermana Sara Gambetta (18,75m), a portuguesa Auriol Dongmo (18,74m), a polaca Klaudia Kardask (18,17m) e a británica Sophie Mckinna (17,87m). Ese quinto posto outorgoulle a España tres puntos, igual que fixera na xornada previa Ana Peleteiro.
CAMPEONATO DE EUROPA DE NACIONES @silesia21
🚺Triple
5ª @apeleteirob 13.91 (3 puntos)📺https://t.co/GmixCR2kLG#EspañaAtletismo #PasiónPorCompetir pic.twitter.com/KwaMPdyzz2
— atletismoRFEA (@atletismoRFEA) May 29, 2021
Na primeira xornada, Ana Peleteiro, que partía como unha das mellores no triplo salto, xa que é segunda no ránking europeo, quedou por debaixo da súa mellor marca persoal, 14.59m., e da súa mellor marca desta tempada, nos 14.31m. Nesta ocasión Peleteiro saltou até os 13.91m.
Enlaces relacionados:
RESULTADOS
HISTORIAL DE ESPAÑA ATLETISMO
