Belén Toimil estivo moi lonxe das súas mellores marcas no Europeo de Estambul. A lanzadora galega, campioa de España e a mellor na súa disciplina no ámbito estatal, non pasou o corte para entrar na final do lanzamento de peso. O seu mellor intento só chegou aos 16.88 metros.
Nas súas últimas competicións Belén Toimil busca volver lanzar por encima dos 18 metros e nesta ocasión non foi quen de chegar aos 17 metros cando é unha marca máis que habitual nela. Lamentablemente a deportista galega non puido repetir nunha final na que si estivo anos atrás.
A propia deportista falaba do Europeo de Estambul como unha competición “para aprender”. Explicaba que traballa xa nas seguintes citas e lembraba: “Esto sigue e o traballo está aí”. Toimil agradecía o alento que se lle fixo chegar manifestando: “Gracias a todos por el apoyo aún cuando las cosas no salen como queremos”.
Ver esta publicación en Instagram
O primeiro intento de Belén Toimil foi de 16.26 metros. No segundo alcanzou os 16.88 metros. O terceiro foi nulo. Con esa marca quedou no posto 13º no concurso de lanzamento de peso neste Campionato de Europa.
A preparación de cara a París 2024 sigue sendo o obxectivo máis importante da galega que busca mellorar os seus resultados, malia que desta volta non fose unha boa competición para ela. Como apuntaba, o traballo diario está aí, polo que o normal é que marcas acaben por chegar.
Desde a Federación Galega de Atletismo se publicaba unha mensaxe de ánimo e apoio á deportista de Mugardos en Twitter.
Algunhas veces as cousas non saen, pero por adiante ainda agarda un camiño moi longo cheo de éxitos, alegrías e grandes momentos que viviremos todas e todos xuntos.
ESTAMOS CONTIGO, ÁNIMOOOOOOOOOOOOOOO… E A POLA SEGUINTE!!@belentoimil pic.twitter.com/seXvCneJGH— Atletismo Galego (@atletismogalego) March 3, 2023