Belén Toimil, MVA da 2ª xornada da Liga Iberdrola de clubs de Atletismo

A lanzadora mugardesa Belén Toimil lucía con fachenda nas súas redes a distinción que a destaca como MVA (atleta mellor valorada) da segunda xornada do Campionato de España de clubs ao aire libre na súa División de Honor que se celebrou en Castelló.

Belén Toimil, que compite pola disciplina do Playas de Castellón, ocupa o primeiro posto en lanzamento de disco con 49,17 m e o primeiro tamén na súa especialidade, o lanzamento de peso con 17,06m.

Belén Toimil lanzou disco e peso

A galega Belén Toimil volvía a enfundarse a camiseta verde castellonenca, tras a súa actuación o pasado fin de semana na Copa de Europa de lanzamentos de Split, e e esta ocasión para realizar o dobre esforzo de sumar o máximo de puntos tanto en peso como en disco. Foi esta a primeira proba na que participou onde tiña enfronte como máxima rival á súa compañeira de club Paula Ferrándiz, actual campioa de España da especialidade, que se viu superada por Belén Toimil desde o inicio e aínda que Ferrándiz achegóuselle, a galega finalmente sumaba o primeiros oito puntos cunha marca de 49.17.

Nas súas redes sociais, a lanzadora galega facía unha chiscadela dicindo “Notouse o adestramento con panettone“. Deste xeito lembraba o lanzamento dun panettone que fixo esta mesma semana no transcurso do programa de televisión La Resistencia que presenta o tamén galego David Brocano. A deportista galega, que xa advertía que nese tipo de lanzamentos controlaba menos “a dirección” do vólido, acabou emborcando o doce no teito do plató.

Pero volvendo á competición, no Campionato de España de clubs ao aire libre División de Honor, apenas sen descanso, tanto Belén Toimil como Ferrándiz, cambiaron de exercicio e marcharon cara ao círculo de peso para dirimir outro duelo aínda que esta vez foi bastante menos posto que a plusmarquista española, moi superior a todas a súa rivais, foise no seu quinto tiro até 17.06 para lograr a mellor marca española do ano e apontoar outro oito puntos máis.

Precisamente o Playas de Castellón foi o club gañador na categoría feminina ao sumar as súas atletas 258 puntos. Por detrás, o Cueva de Nerga con 146 puntos, o L´Hospitalet con 143 e as galegas do Ría de Ferrol con 139 puntos.

A xornada final desta competición terá lugar en La Nucia os vindeiros días 12 e 13 de xuño. Nela estarán as actuais campioas de España, as atletas do Playas de Castellón, xunto ao Valencia Club Atletismo, F.C. Barcelona, At. San Sebastián, Alcampo Scorpio 81, Grupompleo Pamplona At., Avinent Manresa e Trops-Cova de Nerja, por esta orde. Son eses os oito clubs que loitarán polo título na terceira e última xornada.

As galegas do Ría de Ferrol terán que loitar pola permanencia

Pola contra, os clubs: Universidad de León Sprint At, Unicaja Jaén paraíso Interior, Super Amara BAT, L’Hospitalet At., Ría Ferrol – Concepción Arenal, AA catalunya, CA Valladolid e A.D. Marathon será os outros oito clubs que loitarán pola permanencia.

As velocistas do Ría de Ferrol – Concepción Arenal acadaron a terceira praza no 4×100 e a segunda na remuda de 4×400. En ambas as dúas probas venceron as atletas do Playas de Castellón.

A prata do 4×400 a colleitou o cuarteto conformado por Lucía Rivadulla (3:45.18), Laura Alonso (3:45.18), Paulette Natacha Fernández (3:50.79) e Irene Barreiro (3:51.05)

No caso da remuda de 4×100 do conxunto ferrolá que conseguiu o bronce, estivo composta por as corredoras: Talia Mara Pérez Dambrauskas, Paula González García, Antía Martínez Queimaño e Celia Muñoz de Morales Castro que asinaron un tempo conxunto de 48:14.

Equipo de protección COVID-19 para verificar o protocolo

Unha vez máis, a protección das persoas que tomaron parte na competición foi o primordial para a RFEA que organizaba a proba. Así, a protección da saúde de todas as persoas presentes nas instalacións, contou con estritas medidas sanitarias e de prevención contra o COVID-19. O uso de máscaras, obrigatorias en todas as instalacións, os protocolos de limpeza, desinfección e hixiene en espazos e material de competición, a toma de temperatura nos accesos e a distancia de seguridade mínima de 1,5 m en todos os estadios foron algunhas das medidas que levaron a cabo. Así mesmo, houbo Equipos protección COVID-19, cuxa misión foi velar polo cumprimento do protocolo AntiCOVID, segundo informa a RFEA.