Belén Toimil, décima no Europeo 2022 en lanzamento de peso

No Europeo de atletismo que se está a celebrar en Munich a galega Belén Toimil conseguía meterse na final do lanzamento de peso ao rematar a fase clasificatoria entre as 12 mellores dos dous grupos. Xa na final, a deportista de Mugardos conseguía o décimo posto.

A deportista galega igualou a mellor posición que obtida por unha deportista española nun Europeo, falamos do décimo posto de Úrsula Ruiz en 2016.

Belén Toimil e a décima mellor lanzadora de peso do mundo. Tal e como explican desde a Real Federación Española de Atletismo a atleta galega foi de menos a máis no Olympiastadion de Múnic.

Aínda que só lanzou 17.09 m no seu primeiro intento e fixo nulo no segundo, refíxose no último para lograr a clasificación con 17.72 metros, unha marca que lle valeu para terminar cuarta do seu grupo e 10ª na clasificación global.

O segundo intento de Belén Toimil na final foi o mellor

Xa na final, a lanzadora de Mugardos iniciou o concurso cunha marca de 17.40 m. No segundo intento chegou aos 17.86 metros e baixou no terceiro ata os 17.21. Ese segundo intento colocouna no décimo lugar.

Belén Toimil superou así a súa marca no Mundial de Eugene (onde alcanzou os 17.48m) pero aínda estivo por debaixo da súa mellor marca persoal: 18.80 metros.

O triunfo foi para Jessica Schilder que chegou aos 20.24 metros. A lusa Auriol Dongmo foi segunda e o bronce correspondeulle a Jorinde Van Klinken (New Zealand).

#EspañaAtletismo en #Munich2022
Peso🚺 FINAL@belentoimil
Finaliza el concurso con un tiro de 17.21 m que le da la 10ª posición
(iguala la mejor posición que tenía @SulycaRuiz en 2016)
👏👏👏#PasiónPorCompetir
📺 @teledeporte
📊 https://t.co/8w8ONjqljg pic.twitter.com/Bd8u572mja
— atletismoRFEA (@atletismoRFEA) August 15, 2022