Belén Toimil supérase a si mesma. No Meeting de Castellón, VII Gran Premio Deputación V Memorial José Antonio Pousado de Castelló, a lanzadora galega bateu o seu propio récord de España ao conseguir alcanzar os 18,80 metros no seu mellor lanzamento. Mellorou así a súa anterior marca ao aire libre que tiña en 18,52 metros. Tamén ten a plusmarca española en pista cuberta cun lanzamento 18,64 metros.
Este novo rexistro colocaa como a novena mellor lanzadora no ránking mundial e quinta europea. Todo semella pintar ben para a galega que está a un paso de competir en Toquio 2021.
A atleta de Mugardos xa avisara do seu bo momento de forma hai uns días en Xetafe e na terra do seu club (Playas de Castellón) a deportista discípula de Carlos Burón estableceu a súa marca no segundo tiro.
No seu primeiro lanzamento Belén Toimil alcanzaba os 18,23 mts. que facía presaxiar que ía a por todas. E así foi. A galega, sacou un enorme lategazo ao seu brazo tras os xiros de rigor que lle levou aos 18,80 metros. Nada máis saír a bóla de 4kg da súa man, a de Mugardos xa sabía que algo gordo víase vir e o seu salto de alegría tras caer a bóla ao césped avisaba que si. Era un tiro de récord de España.
Tardouse en coñecer o resultado definitovo da medida xa que o seu lanzamento, nun principio, deuse como de 18,79. Esa é de feito a foto que ten a atleta Belén Toimil co marcador a pé de pista.
Y con este récord de @belentoimil ya son:
¡5⃣2⃣ récords/mejores marcas 🇪🇸 batidas en 2021!
¡Y solo estamos en mitad de año! 📝 https://t.co/rZplvLdiMA pic.twitter.com/wrEAyzep8t
— atletismoRFEA (@atletismoRFEA) June 29, 2021
Pero, finalmente, outorgóuselle unha marca de 18,80, que mellora a súa plusmarca española anterior de 18,64 metros. Con ese lanzamenteo tiña acadado a cualificación do Europeo de pista cuberta de Torun.
Belén Toimil ten cada día máis depurada técnica xiratoria e a súa melloría semella non ter alcanzado aínda o cúmio do seu potencial.
Lo que nos dejó el #MeetingCastelló
Récord de España de @belentoimil (18.80)
¡9ª posición del ránking mundial (5ª europea)!4 mínimas olímpicas: @Fatimadiame, @suliarrak, @pablerascampe y @danielarce_
3:37.67 de @PolOriach (2º sub20 de la historia)
📝https://t.co/XwZ9zjrdIQ pic.twitter.com/Y4FD67TW9B
— atletismoRFEA (@atletismoRFEA) June 30, 2021
Esta marca, catapulta á española á 19ª posición do ranking mundial e a quinta europea. É todo un fito no lanzamento de peso. Nesta modalidade atlética ata o de agora o máis alto que unha representante española tiña logrado foi cando a deportista murciana Úrsula Ruiz, en 2017, asinaba un lanzamento de 18,28 metros terminando aquel ano como 23º do Mundo e 9ª de Europa.
Burón, adestrador de Belén Toimil: “Hai que pensar xa en Toquio”
O seu adestrador, Carlos Burón, colgaba en Twitter esta foto coa súa pupila, ambos os dous con fachenda de que o traballo feito estea a dar froitos e avanzando que “Hai que pensar e programar xa Toquio”.
Que será capaz de facer esta atleta nos seus primeiros xogos coa progresión que está a ter? So o saberemos cando Belén Toimil vire no círculo sobre si mesma en terras niponas e solte a bóla de 4 kg e a deixe voar ceibe, se cadra, cara a gloria…
PASO A PASO SE ANDA…
Con confianza, comunicación, compromiso, orden, esfuerzo, etc. se pueden conseguir objetivos importantes.
Hay momentos de alegría en que nos gustaría que el tiempo se parase … pero no es posible.
Hay que pensar y programar ya para TOKIO.
SEGUIMOS ! pic.twitter.com/8VAAp6PSEa
— Carlos Burón (@buron_carlos) June 30, 2021
Terceiro posto de Solange Pereira na carreira de 1.500 m
Nos 1.500 metros, a record woman da distancia, a etíope Genzebe Dibaba, venceu con solvencia cun tempo de 4:05.82, sendo o terceiro lugar na carreira para a corredora galega Solange Pereira que parou o crono en 4:07.75, a súa mellor marca da tempada.
O VII Gran Premio Deputación V Memorial José Antonio Pousado de Castelló foi histórico en canto á cantidade de mínimas olímpicas que se acadaron esta cita deportiva. Chegaron atletas de 32 países diferentes e vivíuse unha tarde de atletismo de primero nivel mundial na que se consiguiron varias mínimas olímpicas e batéronse case todos os récords do meeting.
