Segura e disposta a dar pasos para achegarse ao seu mellor momento, Belén Toimil está en Estambul disposta a subir dos 18 metros. A galega chega ao Campionato Europeo de pista cuberta como campioa de España. Un título que revalidaba hai poucas semanas.
Belén Toimil compite no European Athletics Indoor Championships como a mellor lanzadora de peso de España e quere demostrar que é das mellores do continente meténdose na final da súa disciplina.
Ver esta publicación en Instagram
En total son 29 atletas españoles os que estarán neste Campionato de Europa de pista cuberta que se disputa semanas despois de que o país, Turquía, sentise tremer a terra. O terremoto que asolou este país e Siria, estará presente nas mentes de todas as persoas que participen nesta competición continental e as que a sigamos a través da televisión e outros medios. Desde hoxe ao domingo Estambul acolle a atletas de toda Europa.
O escenario da competición será o Ataköy Arena que conta cunha capacidade para 5.000 persoas. Galicia achega dous atletas, a citada lanzadora de peso, Belén Toimil, e o corredor lucense Adrián Ben. Ambos os dous atletas olímpicos en Toquio 2020.
A lanzadora de Mugardos, que adestra Carlos Burón, ten nos 18.64 a súa mellor marca persoa (acadada en 2021) e asinaba 17.37 metros no transcurso do Campionato de España hai unhas semanas. Na súa mente está regresar a cifras que superen o se acheguen moito aos 18. Paso a paso na súa preparación cara a París 2024.
