A superioridade de Belén Toimil no ámbito estatal no lanzamento de peso é notoria. A galega vén de acadar o seu quinto título de campioa de España. Fíxoo en La Nucia no Campionato de España absoluto de atletismo ao aire libre. O seu mellor disparo do artefacto foi de 18.75 m, moi preto do seu propio récord que está en 18.80 metros.
🤩 LA FELICIDAD ES SINÓNIMO DE @belentoimil y de su 🥇 en el peso del #CEAtletismo 🥳
¡Vaya compañerismo hay en este deporte!🤗 pic.twitter.com/XQT4ZfThIl
— atletismoRFEA (@atletismoRFEA) June 30, 2024
Belén Toimil chegaba ao Campionato de España absoluto logo de asinar un 5.º posto no Europeo de Roma onde lanzou 18.43 metros. En La Nucia batiu o récord do campionato cun lanzamento de 18.75 metros. E quedou a cinco centímetros de igualar a mellor marca española de todos os tempos que é súa e está nos 18.80 metros.
A plusmarquista estatal volve pasar dos 18 metros e van dez veces neste ano. De feito, desta volta no quedou tan lonxe dos 19 metros, un soño, pero… quen dixo medo?
Este é o quinto título e para pendurar o ouro do seu pescozo lanzou: 17.45, 18.00, 17.94, 18.75, 18.32 e 17.95. A atleta do Facsa- Playas de Castellón ostenta unhas marcas que deixan moi atrás ás súas rivais estatais.
A prata foi para Inés López, do Valencia Club Atletismo que fixo a súa mellor marca persoa cun lanzamento de 15.52 metros (15.20, 14.15, 15.47, 14.09, 15.18 e 15.52 metros). Foi un gran campionato para Inés López que fixo ouro no lanzamento de disco con unha marca de 55.14 metros.
PODIO – Disco 🚺 #CEAtletismo
🥇 @Ineslopez_a 55.14 m
🥈 @junekintana 52.72 m
🥉Nneka Naomey Ezenwa 52.00 m👏👏👏
📺 @teledeporte
📺 MULTIVIEW (concursos) https://t.co/fSbjlvEdym
📊https://t.co/zeumA8zT0v pic.twitter.com/biqHrzwPQz— atletismoRFEA (@atletismoRFEA) June 29, 2024
O bronce foi neste estatal de La Nucía para Andrea Njimi Tankeu de tan só 16 anos. A lanzadora do Atletismo Piélagos fixo tres nulos no seu concurso pero lanzou no primeiro 13.87, no terceiro 14.41 (que lle darían o bronce) e 12.92 no sexto.
A mellor Toimil coa mirada en París 2024
Belén Toimil está en forma. Cada día se afianza máis por encima dos 18 metros polo que, sen dúbida, a de Mugardos está nun grande momento de forma de cara aos Xogos Olímpicos de París 2024.
Peso 🚺#CEAtletismo
1ª @belentoimil 18.75 m RC
(Líder 🇪🇸 del año)
Su serie: 17.45 – 18.00 – 17.94 – 18.75 – 18.32 – 17.955⃣º título absoluto de la plusmarquista española
🔟 competiciones en 2024 por encima de 1⃣8⃣ m📺 @teledeporte
📺 MULTIVIEW (concursos)… pic.twitter.com/zYXqi0lcSY— atletismoRFEA (@atletismoRFEA) June 30, 2024
