A plusmarquista estatal de lanzamento de peso, Belén Toimil, rematou a súa participación no Mundial de atletismo coa RFEA que se está a celebrar en Oregón no posto 21º. A galega asinou nesta competición internacional un mellor intento de 17,48 metros pero o corte para entrar na final estivo en 18,57 metros.
O terceiro intento foi no que Toimil lanzou máis lonxe a bóla neste Mundial, chegando a esos 17,48 metros. A lanzadora de Mugardos acudía á cita cunha mellor marca desta tempada de 17,98 metros.
Esta é a segunda vez que a deportista galega Belén Toimil participa nun Mundial e mellora a súa actuación anterior hai cinco anos en Londres.
Ver esta publicación en Instagram
Este mesmo mes, a atleta olimpica Toimil, facíase ca primeira posición no concurso de peso no Campionato de España de Seleccións cun lanzamento de 16.85 m. A atleta de Mugardos acaba de se proclamar campioa de España nesta modalidade.