A atleta Belén Toimil quedou en décima posición no Copa de Europa de Lanzamentos. A murgadesa, deportista do Playas Castellón, obtivo unha marca de 16,53 metros na súa proba da final A do lanzamento de peso. Foi a primeira española clasificada na súa disciplina.
A lanzadora viaxou a Split, localidade de Croacia, para disputar o torneo continental como parte da Selección Española de atletismo. A galega Toimil competiu xunto á española Úrsula Ruíz en categoría absoluta, quedando 42 cm por riba da súa compañeira de Selección.
Toimil quedou a dous metros da súa mellor marca
A deportista de Mugardos logrou a súa marca no quinto intento, quedando a dous metros da súa mellor marca persoal lograda en Polonia. Con este resultado foi a mellor española da competición, quedando de novo por diante de Úrsula Ruíz, o que confirma o seu relevo no lanzamento de peso, así como o seu bo momento de cara aos Xogos Olímpicos de Toquio 2021.
⚫️ Peso
🔟 @belentoimil 16.53
1⃣1⃣ @SulycaRuiz 16.11📸@EuroAthletics vía @GettyImages #PasiónPorCompetir pic.twitter.com/9IRIJzmeXT
— atletismoRFEA (@atletismoRFEA) May 8, 2021
Nesta cita, na que a lanzadora galega abría a súa tempada ao aire libre, a deportista gañadora do ouro foi finalmente a atleta alemana Sara Gambetta, cunha marca de 18,86 metros.
