A galega Bea Seijas, ex xogadora do Ourense Envialia e actual membro do seu Corpo Técnico, ven de recibir o premio Félix Aranda pola súa traxectoria. O galardón foi entregado polo Futsi Atlético Navalcarnero, o último rival do conxunto ourensán.
Coa entrega deste premio, o club madrileño recoñece a aportación ao futsal español e a carreira futbolísitca de Bea Seijas, como unha das “máis relevantes xogadoras do fútbol sala español”.
Bea Seijas colgou as botasen xuño de 2019, á idade de 45 anos, despois de competir desde os 15 nas pistas de futsal. Tal e como recolle o Futsi Atlético nun comunicado, é merecedora deste recoñecemento por ser “un modelo de deportista para cententares de xogadoras de fútbol sala, ás que transmitiu valores de compañeirismo, gusto exquisito pola práctica do xogo e paixón polo deporte”.
Pola súa parte, a futbolsita mostrouse en redes moi agradecida polo galardón e expresou o seu orgullo.
Muchísimas gracias. Por el cariño y por acordaros de mi para este premio tan especial. Un auténtico orgullo y honor. Un abrazo enorme a todxs lxs que formáis este club.
¡Gracias! https://t.co/OlHugom2aK— Beatriz Seijas Couce (@SeijasCouce) March 3, 2021