Logo de que o curso 2020-21 se estea caracterizando por ter que adiar partidos, este domingo adiántese un. Trátase do duelo entre escudras galegas que protagonizarán o BAXI Ferrol e o CB Arxil. A cita, que debera celebrarse o día 6 de xaneiro, xogarase mañá, domingo 3 ás 18:00 horas no pavillón municipal da Malata en Ferrol. Arbitran Elio Clavería Sánchez e Iris Díaz Feijoo.
Falamos dun encontro desequilibrado polo dispar das traxectorias que levan nesta tempada ambos os dous equipos. Mentres o BAXI Ferrol é o líder invicto no Grupo A da Liga Feminina 2 (LF2), o CB Arxil loita por fuxir dos postos baixos da táboa. Agora mesmo, as pontevedresas son 13ª, segundas pola cola. As xogadoras que adestra Maite Méndez disputaron 11 partidos e so gañaro 3, caendo derrotadas nos outros 8. Pola contra, as ferrolás suman 13 de 13 triunfos e queren facer medrar o número fatídico.
O BAXI Ferrol é o primeiro da clase e a fortuna quixo que tamén sexa o primeiro en exercer de anfitrión na LF2 neste ano que comeza: 2021. A media anotadora das ferrolás é de 86.7 e 45.5 encajados por partido.
Na primeira volta as ferrolás venceron ás pontevedresas por 40 puntos de diferencia (53-93). Nesta ocasión, as locais son as claras favoritas nun cruce no que as visitantes non tiran a toalla pero deberán amosar o seu mellor xogo para conseguir imporse a un BAXI intratable.
Lino López, adestrador do BAXI Ferrol, logrou que o equipo ferrolán arroie co seu baloncesto. Non son gañan, se non que o fan cunha rotundidade da que falan as súas cifras de puntos anotados (1.126) e recibidos (591). Unha é case a metade da outra.
Pero cando un equipo salta á cancha faino coa ilusión e a esperanza de gañar. Así que o CB Arxil agarda atopar unha fenda pola que quebrar o xogo ferrolá e dar a gran badalada neste arranque de ano 2021. De feito, pese a diferencia na táboa, a preparadora do CB Arxil, Maite Méndez advirte: “ímolo a pelexar e queremos ver se somos capaces de darlles un susto”
Maite Méndez: “Trataremos de ser agresivas e sólidas atrás”
O conxunto que adestra Maite Méndez chega ao encontro “facendo exame de conciencia dos errores cometidos na pista navarra”. Se no partido ante o A.D.B.A as pontevedresas non foron quen de rachar o partido ate o último cuarto, no cruce co Ardoi estiveron por diante no marcador todo o partido pero sucumbiron á reacción do Ardoi no tramo final do encontro. O último minuto e medio o CB Arxil no tivo a mesma resposta que os 39 minutos previos, nos que si mereceu o triunfo.
Conscientes da dificultade do encontro, Maite Méndez anticipa que as pontevedresas van tratar “de facer unha boa defensa, ser agresivas e sólidas atrás para tentar chegar ao último cuarto con opcións”. A adestradora verde entende que “se non estamos ben, Ferrol coa intensidade que lle pon e a batería de xogadoras que teñen, vainos a facer sufrir se non facemos as cousas como debemos”.
A adestradora do CB Arxil, Maite Méndez, anticipa que as pontevedresas van; “Facer unha boa defensa, ser agresivas e sólidas atrás para tentar chegar ao último cuarto con opcións”
Para o partido Maite Méndez contará con todo o plantel recuperando a Aldara Vázquez (recentemente participou no All STAR da primeira división feminina celebrada en Padrajas de San Esteban Valladolid), Violeta Crespo e Noa Casalderrey. Este partido contará con presenza de público até 250 afeccionados e sendo retransmitido pola canle da FEB.
Maite Méndez, entrenadora do CB Arxil: “Se non estamos ben, Ferrol coa intensidade que lle pon e a batería de xogadoras que teñen, vainos a facer sufrir”
As cifras do BAXI Ferrol meten medo a calquera rival
Se te vas enfrontar ao BAXI Ferrol e lle botas un ollo as súas estatísticas axiña caes na conta de que os seus números son para botarse a tremer. É, sen dúbida, o equipo máis en forma e o plantel máis potente deste Grupo A na LF2. Son as únicas invictas con trece vitorias acumuladas.
Incluso nos outros grupos, so o Barça CBS que adestra Isaac Fernández é quen de igualar a súa racha, pero as ferrolás levan máis puntos anotados e menos recibidos. Ademais as culés sofriron máis da conta con algún que outro rival de pouca entidade, mentres as da cidade departamental non afrouxa o seu ímpetu anotador ata que soa a bucina que decreta o final do choque. Sempre teñen fame de canastra e nunca teñen vantaxe abondo.
Os seus números son arrepiantes: o bloque máximo anotador, a mellor defensa, equipo con máis rebotes, mellores porcentaxes… As de Lino López dominan todos os ránkings estatísticos do grupo con absoluta tiranía de maneira que deixa aos seus rivais a distancias abismais.
Outro dos exemplos da súa supremacía nesta tempada é que gañou nove do once partidos por encima dos 30 puntos de diferenza.
Lino López atopou no equipo a sintonía adecuada para que todas as xogadoras do BAXI Ferrol remen na mesma dirección. Hai xogadoras como Andrea Boquete ou Julieta Mungo que estaban afeitas a estar por encima dos 35 minutos nos seus anteriores conxuntos e adaptáronse a un novo rol con menos tempo de xogo.
De feito, as rotacións no conxunto ferrolá son un dos seus aspectos máis importantes. O reparto do esforzo e contar cun banquillo tan potente como o equipo titular fai que o nivel de non baixe en todo o encontro. Ningunha xogadora pasa dos 22 minutos en pista, nin baixa dos 15 minutos.
Todas aportan, todas importan, calquera pode asumir o rol de líder nun momento determinado. E o global do bloque está preparado para estar ao mellor dos niveis cando entra na cancha.
BAXI Ferrol conta nas súas filas con xogadoras de catro continentes, todas dun nivel que apunta ao ascenso. Nin sequera a lesión de Jenna Allen, que foi un shock para o grupo, fai que o potencial deste bloque merme.
Primer entrenamiento del año… y ¿quién llega con más energía que nadie? Jenna Allen!!! #DISFRUTARdelCAMINO #Siempreenmiequipo#familiauniferrol pic.twitter.com/1dIWAEMjGL
— Baxi Ferrol (@UniFerrol) January 2, 2021
