Mañá, domingo 14 de febreiro ás 12.00 horas, o BAXI Ferrol xoga no pavillón da Malata ante o Magectias Contra a Violencia de Xénero, buscando a súa vixésima vitoria consecutiva, o que lle daría a clasificación matemática para a fase de ascenso a Liga Endesa.
Visita o feudo departamental o equipo canario, que tamén necesita o triunfo para tratar de manter opcións de salvarse, xa que figura no último posto da clasificación.
Para afrontar este encontro, o equipo ferrolán do BAXI Ferrol recupera a Anniina Aijanen, que xa regresou de xogar dous partidos coa selección de Finlandia, mentres que Julieta Mungo segue causando baixa por unha edema no xeonllo.
Tampouco participará neste encontro Natalia Rodríguez, que está a se recuperar dunha escordadura de nocello que se produciu no partido da pasada xornada ante o choque ante o Ausarta Barakaldo.
O adestrador do BAXI advirte da situación “comprometida” das canarias
Lino López comenta sobre o encontro que “nós imos tratar de seguir o noso camiño e ir mellorando cousas de cara ao futuro. Sabemos que nos imos a enfrontar a un equipo que está nunha posición comprometida, pero temos que afrontar o partido con moita seriedade e facendo as cousas como preparamos”
Sobre o rival, o técnico destaca que “é un equipo que non ten fácil salvarse coas poucas xornadas que quedan, pero seguro que veñen coa ilusión de gañarnos e nós temos que ser capaces de manter a nosa intensidade defensiva e acerto en ataque”.
Lino López, técnico do BAXI Ferrol: “Imos tratar de seguir o noso camiño e ir mellorando cousas de cara ao futuro. Sabemos que nos imos a enfrontar a un equipo que está nunha posición comprometida, pero temos que afrontar o partido con moita seriedade e facendo as cousas como preparamos”
Dadas as restricións que existen en Galicia, o encontro do BAXI Ferrol será a porta pechada e poderase seguir a través de Canal FEB TV.
