O ano 2021 comezou forte na Liga Feminina 2, cun duelo galego que enfrontaba ao BAXI Ferrol e ao CB Arxil. Dous equipos fortes, con obxectivos dispares para esta tempada. Malia que a táboa clasificatoria non refrexa a igualdade que se puido ver na pista, o cadro pontevedrés plantoulle cara ás invictas locais, que sumaron outra vitoria cun 81-60 final. O equipo da cidade departamental continúa líder, sen coñecer a derrota e á fronte da táboa.
Ambos conxuntos chegaban con traxectorias distintas ao partido. As ferrolás aínda non coñecen a derrota, e suman tras o choque coas de Pontevedra un triunfo máis. Atesoran xa un pleno de 14 vitorias no seu peto. Teñen vencido a todos os rivais que se lles puxeron por diante no que vai de tempada. En moitos casos con diferencias de puntación enormes. Desta forma, e con 28 puntos, son as líderes da clasificación.
Pola súa banda, o Club Baloncesto Arxil non canta vitoria tan a miúdo. As de Pontevedra sitúanse na parte baixa da táboa, con 14 puntos de 26 posibles, ao acumular só tres vitorias e oito derrotas, nove tras perder fronte ao BAXI Ferrol.
O CB Arxil, primeiro equipo en adiantar ao BAXI na Malata
O conxunto dirixido por Maite Méndez tiña claro que o obxectivo da xornada era dar a sorpresa en A Malata. E en certa medida, conseguírono. Fixeron un primeiro cuarto moi bo. De tal xeito que, as visitantes, lograban nese primeiro período tratar de ti a ti ao rival máis duro da Liga.
Lino López (adestrador do BAXI): “En ataque non estivemos cómodas xogando”
As de verde tiñan claro que para frear ao BAXI Ferrol a chave pasaba por non deixarlles crear ocasións de tirar a canastra e así o fixeron. O adestrador ferrolán, Lino López, recoñecía no post partido ante os medios que as pontevedresas lles tiña “sobrepasado moitas veces en situación de presión e en ataque non estivemos cómodas xogando”.
Inesperadamente, o duelo era un vaivén de puntos e as canastras de Garí tiñan a resposta no dúo Forster-Lago. Desta forma, tras lograr o empate 15-15, as pontevedresas lograron cun tiro máis levarse o primeiro cuarto. Era a primeria vez que un equipo visitante na Malata poñíase por diante do BAXI Ferrol , o terceiro contando ao Celta e Ardoi nas súas pistas.
Un pulso constante, ata o último cuarto
Para o segundo tempo, as xogadoras de Méndez seguiron demostrando que o resultado non era un golpe de sorte e que tiñan moito que dicir na pista ante o líder. Un triple de Boquete e varias canastras de Ndoye e López mantiñan ao Arxil no xogo, malia as constantes situacións de perigo das locais.
Co apoio da afección na bancada, o BAXI Ferrol viuse arriba e seguiu loitando pola remontada, que lograron, obrigando á adestradora das pontevedresas a pedir dous tempos mortos. A falta de 15 segundos das ferrolás xa ían por diante cun 35-32 no marcador, que aumentou a unha distancia de cinco puntos tras unha xogada de Laura Fernández e Dynn e canastra de Mungo.
Tras o descanso, o BAXI Ferrol demostrou porque ningún partido se lle escapa e mantivo unha concentración e presión que lle permitiría levarse o encontro. Cunha boa actuación de Dynn, Fernández e Mungo de novo, as locais puxéronse dez puntos por enriba das rivais.
Na segunda parte o equipo local conseguiu romper o partido, aínda que non sen ter que loitar moi duro por elo. Sen o acerto propio das súas xogadoras, as ferrolás si que conseguiron frear ás visitantes, que no terceiro cuarto soamente lograron anotar sete puntos.
Desta forma, cunha presión constante, o BAXI Ferrol logrou dominar por completo o encontro nos últimos dez minutos. O CB Arxil non foi quen de manter o ritmo e o nivel durante todo o partido, o que as castigou para os minutos finais. María Lago, MVP do partido, seguía tirando do conxunto verde pero a vitoria estaba cada vez máis lonxe.
O equipo dirixido por Lino López chegou así a obter unha vantaxe de 20 puntos, que xa non perdeu. Finalmente, o electrónico sinalaba un 81-60 dun duelo galego moi disputado sobre o parqué do pavillón da Malata.
Lino López: “Co partido roto o equipo segue pelexando e iso é clave”
Homenaxe a Jenna Allen, lesionada
Entre as filas do BAXI Ferrol non puido estar para esta xornada Jenna Allen, que segue de baixa por lesión. Pero si estivo desde a bancada, animando ás súas compañeiras, que lle devolveron todo o apoio e dérolle ánimos para superar esta etapa de recuperación logo de ser intervida cirurxicamente.
O encontro iniciouse cun recibimento a Jenna Allen por parte de equipo e afección ferrolá. O quinteto inicial recibiuna cunha camiseta co lema ‘O teu sorriso é a nosa forza’. Unha forza que lles serviu ás xogadoras locais para sumar outra vitoria máis, que lle adicaron á xogadora americana.
Podes revivir a homenaxe á baloncestista do club ferrolán nesta ligazón.
Jenna Allen supera con éxito unha operación no tendón de Aquiles
“Jenna é unha baixa moi importante para nós a nivel deportivo pero sobre todo a nivel persoal. Que nuha xogadora americana cale tan fondo na afección, no equipo e no club fala moito e ben da súa calidade humana e do seu traballo”, declaraba o seu adestrador, Lino López, en rolda de prensa ante os medios de comunicación.
O técnico do conxunto ferrolá admite que a americana é vital no cadro que prepara e asegura que “só podo ter palabras de agradecemento con ela. A botamos en falta cada día, en cada adestramento”.
Sin duda la gran protagonista del partido de ayer fue Jenna Allen, homenajeada por equipo y afición. Gracias por vuestro apoyo y colaboración.#TuSonrisaNuestraFuerza
Podéis revivirlo aquí 👇https://t.co/tmSYVRLcVK#DISFRUTARdelCAMINO #LF2 pic.twitter.com/stAGncPTnR
— Baxi Ferrol (@UniFerrol) January 4, 2021
FICHA TÉCNICA
81 ) BAXI FERROL: Laura Fernández (3), Geraldyn Leaupepe (14), Irene Garí (11) Mungo (6) e María Aijanen (12) –cinco inicial-. Tamén xogaron: Patricia Cabrera (8), Patricia Benet (4), Natalia Rodríguez (3), Andrea Boquete (10) e Sune Swart (10).
60 ) CB ARXIL: Fernández (4), Lago (18), Díaz-Pache (4), Forster (3) e López (4) -cinco inicial-. Tamén xogaron: Vázquez (-), Masía (2), Moreira (4), Ndoye (4) e Castro (17)
PARCIAIS: 15-17, 22-15, 18-7 e 26-21.
ÁRBITROS: Elio Claveria e Iris Díaz.
INCIDENCIAS: Partido correspondente á xornada 14 da Liga Feminina 2, disputado na pista polideportiva municipal de A Malata no Concello de Ferrol.
