Tan só un equipo galego da Liga Feminina 2 xoga fóra da casa. O Baxi Ferrol viaxa ata Leganés para enfrontarse o Ynsadiet nesta nova xornada e escapar na segunda praza da clasificación. Ademais as da cidade departamental son unha máis. Reforzaron o seu plantel con Patricia Benet. O Celta, o Cortegada e o Arxil xogan sobre as súas pinturas.
O cadro celeste recibe o Pacisa Alcobendas
Borrón e partido novo. Despois da derrota do fin de semana pasado ante o Ibaizabal, o Celta Zorka Recalvi volve a súa pintura para enfrontarse o Pacisa Alcobendas o sábado (29 de febreiro, ás 18.30 horas).
As de Cristina Cantero están na sétima posición empatadas a puntos co rival desta semana do Baxi Ferrol, o Laboratorios Ynsadiet Leganés. A xornada anterior perderon por un pésimo parcial cun resultado de 23 a 9.
O seu rival temén perdeu ante o Ynsadiet cun electrónico de 79 a 91 cando levaban unha racha de dous partidos consecutivos gañando. Agora mesmo son cuartas e empatadas a puntos co Sinergia Canoe.
Na xornada sete, as madrileñas impuxéronse por un 67 a 59 ao cadro vigués. A máxima anotadora do encontro foi Laura Howard. En canto as da cidade olívica, Breanna Richardson e Iciar Germán firmaron un total de 27 puntos.
DATOS DE INTERESE
DÍA E HORA: 29 de febreiro, ás 18.30 horas.
CAMPO: Pavillón de Navia – Vigo.
ÁRBITROS: Roi Rilo Antelo e Martín Trasancos Blanco.
INCIDENCIAS: Partido correspondente a xornada 20 da Liga Feminina 2 no que enfrontará ao Celta Zorka Recalvi contra o Pacisa Alcobendas no Pavillón de Navia.
Escapar na segunda plaza da Liga Feminina 2
A palabra exacta que define esta segunda volta do Baxi Ferrol é imparables. Levan un total de sete vitorias consecutivas sendo a última no duelo galego ante o Cortegada disputado na Malata. Este fin de semana viaxan a Legaés para enfrontarse o Laboratorios Ynsadiet.
As da cidade departamental son segundas a tres puntos do Movistar Estudiantes: 37 fronte a 34. Para esta nova cita viaxan cunha xogadora máis. Patri Benet volta como reforzo do Baxi Ferrol de cara ó ascenso. A xogadora manifestaba que tiña moitas gañas de regresar ao equipo no que xa xogara na tempada 2014-2015.
Lino López destaca do adversario que “é un equipo feito para tentar o ascenso e que fichou á rusa Davydova. Conta con tres xogadoras como Tate, Rakovic e Alba Prieto que acumulan moitos tiros e a maioría dos sistemas son para elas e o resto de xogadoras axudan. Tentaremos que non sentan cómodas”.
O obxectivo está claro. Queren loitar polo ascenso. Por eso buscarán en Leganés escapar dos que lles preceden na Liga Feminina 2. O seu rival é sexto e está empatado a puntos co Celta: 31. No mes de novembro, as galegas xa venceron en Ferrol por un 81 a 61. Jenna Allen con 19 puntos, Patri Cabrera desde o triplo endosando cinco e Marta Tudanca con 15 foron as xogadoras máis destacadas do encontro. Das rivais, Imani Tate fixo un total de 18.
O preparador do cadro ferrolán tamén destaca que “oxalá se repita o partido da Malata, porque xogamos moi ben. Estamos nun bo momento de forma e para elas é unha final”.
DATOS DE INTERESE
DÍA E HORA: 29 de febreiro, ás 19.00 horas.
CAMPO: Pavillón Europa – Leganés.
ÁRBITROS: José Antonio Sastre del Río e Yoel Canales Calle.
INCIDENCIAS: Partido correspondente a xornada 20 da Liga Feminina 2 no que enfrontará ao Laboratorios Ynsadiet Leganés contra o Baxi Ferrol no Pavillón Europa.
Nova oportunidade para acadar a permanencia
O Arxil volve ao CGTD. Unha vez máis chama os afeccionados pontevedreses para que acodan o Estadio da Xuventuda para ver o equipo o sábado (29 de febreiro, ás 19.30 horas) que recibe o Ausarta de Barakaldo.
Non están nunhas posicións moi dispares. As galegas son undécomas con cinco vitorias e catorce derrotas e as vascas están un posto por riba con un 7-12. No partido de ida, as galegas caían por tan só cinco puntos de diferenza nun encontro moi igualado.
O Barkaldo é un equipo moi sólido en casa como demostra que nesta segunda volta gañou tres encontros: vencía a Laboratorios, o Pozuelo e Leganés e a domicilio ao Cortegada o que demostra o seu potencial.
Espérase por tanto un partido moi igualado en que as xogadoras dirixidas por Maite Méndez deberán poñer toda a carne no asador para seguir sumando vitorias que lle permitan seguir soñando coa permanencia.
O equipo adestrou con normalidade ao longo da semana e espérase que todas as xogadoras estean dispoñibles para Maite Méndez para afrontar este duro partido.
DATOS DE INTERESE
DÍA E HORA: 29 de febreiro, ás 19.30 horas.
CAMPO: Pavillón do CGTD – Estadio da Xuventude – Pontevedra.
ÁRBITROS: Pedro Coladas Lois e Christian Abalo Buceta.
INCIDENCIAS: Partido correspondente a xornada 20 da Liga Feminina 2 no que enfrontará ao C.B. Arxil contra o HGB Ausarta Barakaldo E.S.T. no Pavillón do CGTD.
O Cortegada enfróntase en Fontecarmoa ao Canoe
Volta a Fontecarmoa. Este fin de semana o A.D. Cortegada recibe sobre a súa pintura, no Municipal de Fontecarmoa o Sinergia Real Canoe N.C, o sábado (29 de febreiro, ás 19.30 horas). Partido complicado entre o quinto e o duodécimo da clasificación da Liga Feminina 2.
“O equipo está adestrando moi ben, consciente da importancia do momento da tempada. En todos os partidos xogámonos algo e iso convértese en relevante daquí ao fin”, dixo Rubén Domínguez, o adestrador do Cortegada para As Nosas.
O fin de semana pasado perderon ante o Baxi Ferrol. “Tivemos algunhas dificultades con pequenos problemas físicos froito do último partido, aínda que están emendados e esperamos que salvo Maria González, que ten unha rotura na man e que aínda estarei varias semanas de baixa, todas as xogadoras estean ao máximo para enfrontarnos ao Canoe.”, comenta Rubén.
O partido vai a ser duro con moito ritmo. As xogadoras galegas deben ter unha boa solidez defensiva para dominar o esforzo e equilibrar o xogo interior co exterior. Queren buscar disficultar o Canoe non se sinta cómodo ao longo do partido. Na ida perderon por un 81 a 43 no electrónico.
DATOS DE INTERESE
DÍA E HORA: 29 de febreiro, ás 19.30 horas.
CAMPO: Pavillón Municipal Fontecarmoa – Vilagarcía de Arousa.
ÁRBITROS: Omar González Fernández e Daniel López Illán.
INCIDENCIAS: Partido correspondente a xornada 20 da Liga Feminina 2 no que enfrontará ao A.D. Cortegada contra o Sinergia Real Canoe N.C. no Pavillón Municipal de Fontecarmoa.
