Dous dos mellores conxuntos galegos da Liga Feminina 2, o Celta Zorka Recalvi e o BAXI Ferrol, prometían un interesante e igualado enfrontamento no que o premio era o acceso á final da Copa Galicia de Baloncesto, e non defraudaron. O premio foi finalmente para ás ferrolás que serán as que xoguen a ansiada final do torneo autonómico contra o Durán Maquinaria Ensino.
O encontro comezaba no pavillón da Raña en Marín a porta pechada, pero non por iso con menos emoción. Nestes primeiros compases a igualdade era a tónica. Transcorridos tan só doce segundos de encontro, o cuadro ferrolano perdía a Jenna Allen debido a un esguince de nocello. O marcador terminaba 19-16 para o conxunto departamental. Outra xogadora que sufriu un percance foi Irene Garí, quen tamén “se tivo que retirar por un corte nun ollo, o que lle obrigou a ir a un centro hospitalario para que lle desen puntos”, segundo informa o club ferrolá.
O BAXI Ferrol superou ao Celta na porcentaxe de tiros de tres
No segundo parcial o BAXI Ferrol incrementou o seu ritmo de xogo, chegando a un máxima diferencia de catorce puntos. A reacción das xogadoras do Celta permitiulles chegar vivas ao descanso (41-35).
Logo da reanudación, as xogadoras ferrolanas continuaron controlando a situación, grazas ao seu acerto no tiro de tres (11/24 por 5/19 do Celta ao final do partido), con ventaxas que rondaban os dez puntos e deixaban sen opcións de achegamento no marcador ás xogadoras viguesas (59-50).
Nos últimos dez minutos, as deportistas do BAXI sentenciaron o encontro gracias ao acerto dunha Andrea Boquete moi inspirada en ataque.
Haberá que esperar ao vindeiro 16 de febrero para desfrutar da gran final da XXXIV Copa Galicia Sénior Feminina entre o BAXI Ferrol e o Durán Maquinaria Ensino que terá como sede este mesmo pavillón de A Raña en Marín. As lucenses acceden directamente á final por ser as únicas galegas que militan na máxima categoría, a Liga Endesa. Son, por outro lado, as vixentes campioas da Copa Galicia de Baloncesto feminina.
FICHA TÉCNICA
BAXI FERROL: Laura Fernández (4), Irene Gari (13), Dynn Leaupepe (6), Anniina Aijanen (6), Jenna Allen (-) —quinteto inicial—, Patricia Cabrera (9), Julieta Mungo (11), Patricia Benet (6), Natalia Rodríguez (3) e Andrea Boquete (21).
CELTA ZORKA RECALVI: Celia García (13), María Davydova (4), Rosemarie Makeba (7), Maja Stamenkovic (13), Mariona Martín (5) —quinteto inicial—, Noa Comesaña (3), Florencia Niski (4), Clara Prieto (2), Ángela Coello (6) e Sara Vidal (4).
ÁRBITROS: Elio Clavería e Kilian Prol.
PARCIAIS: 19-16, 22-19, 18-15 e 20-11 (79-61)
INCIDENCIAS: Pavillón de A Raña en Marín (Pontevedra)
