O equipo galego Baxi Ferrol disputa este sábado ás 17:00 horas o encontro correspondente á sexta xornada de Liga Femenina 2 no pabellón de A Malata fronte ao Ausarta Barakaldo. As ferrolás tentarán manter a boa liña de xogo e de resultados dos partidos anteriores e sumar desta forma o que sería o seu sexto triunfo consecutivo para manterse no máis alto da táboa.
A gran novidade das baloncestistas de Lino López Amado está no retorno da americana Jenna Allen, que estivo de baixa desde que se lesionou no nocello o pasado 12 de octubre.
Desta forma, o técnico contará con todas as xogadoras á súa disposición. Lino López destaca da recuperación da pívot como “fixo uns adestramentos con oposición e xa se atopa bastante ben, polo que estará para xogar algúns minutos”.
Pola outra banda, as vascas do Ausarta Barakaldo, que porán rumbo Galicia o mesmo día do partido ás 09:00 horas, apuntan xa a ocupar a parte media – alta da táboa, polo que semella que se manterán na categoría sen problemas.
Precisamente ao respecto do rival, Lino López comenta delas que é unha escuadra que “se rexuveneceu, con máis centímetros no xogo interior. Gústalle o xogo dinámico con moito contraataque, pero nós temos que centrarnos en nós mesmas e ir crecendo en cada partido”.
Un Baxi Ferrol confiado
O conxunto departamental do Baxi Ferrol tratará de seguir mantendo unha gran defensa e o seu preparador manifesta a confianza nas súas xogadoras, xa que interpreta que na competición desta tempada, o “ritmo de xogo, tanto en defensa como en ataque, está a ser moi alto e iso permítenos roubar moitos balóns e anotar canastas fáciles”.
Lino López, adestrador do equipo ferrolán: ” O ritmo de xogo, tanto en defensa como en ataque, está a ser moi alto e iso permítenos roubar moitos balóns e anotar canastas fáciles”
O partido, por mor das restricións do coronavirus disputarase a porta pechada, e ambos equipos pasaron xa os tests de COVID-19 con resultados negativos.
As vascas, cun positivo a semana anterior, que paralizou o seu traballo na competición e obrigou a aprazar o seu anterior encontro fronte ao Osés Costrucción Ardoi, voltaron aos adestramentos o pasado 2 de novembro. A PCR negativa da xogadora que o día anterior dera positivo nas probas do clube permitiu a luz verde por parte da FEB.
Negativo en todos los test COVID, así que mañana habrá partido en A Malata.
En este lucha somos un único equipo y, más que nunca, la predisposición tiene que existir.
¡Buen viaje @BARAKALDO__EST! https://t.co/dvIKntrtp9
— Baxi Ferrol (@UniFerrol) November 6, 2020
As afeccións poderán animar ás xogadoras e seguir o encontro en directo, entre un Baxi Ferrol e un Ausarta Barakaldo que mostraron o seu compañeirismo en redes, grazas ao Canal FEB na seguinte ligazón.
