Se cadra, quen mire o resultado final pensará que o partido ante o Vega Lagunera Adareva de Tenerife foi outro paseo do BAXI Ferrol que esta tempada non atopa rival na LF2. Pero o certo é que esta vez custoulles ás ferrolás entrar no partido e rematar por impoñerse ao seu rival. O partido remataba cun 54-75 pero ao final da primeira parte, as galegas perdían 31-29. A reacción chegou logo do descanso. As de Lino López puxéronse as pilas e remontaron o choque.
Logo dunha xornada máis na LF2, 17 triunfos noutros tantos encontros é o balance do BAXI Ferrol no que vai de tempada. Nesta ocasión o equipo que adestra Lino López reaccionou na segunda parte en Tenerife ante o Vega Lagunera Adareva, ao que remataba por imporse cun resultado de 54-75 ao final do partido.
O encontro iniciouse co cadro ferrolán dominando no marcador 0-4, pero o seu rival reaccionou e deulle a volta ao tanteo, nun primeiro cuarto con moitos erros ofensivos das xogadoras departamentais, o que levou a que o cuarto terminase con igualada, 11-11.
No segundo parcial, as cousas non foron mellor, porque se producía un intercambio de canastras, aproveitando o conxunto canario as penetracións para superar aos seus rivais, o que provocou que ao descanso chegásese cun 31-29.
O paso polo vestiario veulle moi ben ao equipo ferrolán, ao que o seu adestrador, Lino López, aclarou as súas ideas e o choque cambiou radicalmente.
O BAXI Ferrol saíu moi forte do vestiario, cun 0-8, que lle permitiu alcanzar as súas primeiras vantaxes importantes e, a partir dese momento, cunha maior intensidade defensiva, roubar balóns e ir aumentando a súa renda até acabar o terceiro cuarto cun 56-57.
No último parcial, o seu rival acusou o esforzo de tratar de manter o ritmo do equipo departamental e iso levou a que a diferenza entre ambas as escuadras fósese incrementando até chegar ao final do tempo regulamentario co triunfo por 54-75.
Con esta vitoria, o BAXI Ferrol consolida máis o seu primeiro posto na táboa, xa que o segundo clasificado, as Construcciones Oses Ardoi perdeu ante o Azkoitia Azpeitia, o próximo rival do cadro ferrolán na Malata, polo que xa ten tres triunfos de vantaxe sobre a súa máis inmediato perseguidor a falta de nove xornadas para que termine a liga regular.
Lino López: “Se non estamos ao nivel, pódenos gañar calquera”
Ao remate do encontro, o adestrador das galegas, Lino López, manifestaba que foi “un partido moi duro”. Explicaba que “na primeira parte custounos moitísimo estar ao nivel físico e de concentración do rival”.
O técnico do BAXI Ferrol admitía que o conxunto que prepara viuse “superado en defensa, ata que na segunda parte puxémonos duras en defensa, intensas, concentradas, ao mesmo estado que o rival, non fomos capaces de darlle a volta ao marcador”.
En opinión do preparador do conxunto da cidade departamental, o de Tenerife é “un partido para aprender. Un partido para ver que se non estamos ao nivel púidennos gañar calquera equipo”.
Declaraciones de @linolopez04 tras el partido @CBADAREVA – BAXI Ferroll @UniFerrol
que finalizó con victoria del equipo ferrolano por 5⃣4⃣-7⃣5⃣💪 #disfrutardelcamino #baxiferrol #uniferrol #LF2 pic.twitter.com/MpeOqBjRlU— Baxi Ferrol (@UniFerrol) January 24, 2021
FICHA TÉCNICA
54) VEGA LAGUNERA ADAREVA TENERIFE: Dembele (18), Basaez Narvaez (11), Ibáñez (-), M. Luque (8) e Negrín Rivero (3) – quinteto inicial – Tamén xogaron: Ilunga Kabongo (9), D. Luque Caballero (2) e A. Contino (3).
75) BAXI FERROL: Fernández (2), Garí (2), Mungo (5), Leaupepe (2) e Aijanen (13) – quinteto inicial – Tamén xogaron: Patricia Cabrera (12), Patricia Benet (2) Rodríguez (6) e Swart (19).
PARCIAIS: 11-18, 20-18, 15-28 e 8-18.
ÁRBITROS: Mikel Wiot Espinosa e Javier Beneitez Rodríguez.
INCIDENCIAS: Partido correspondente á 17ª xornada da LF2 disputado no Complexo Deportivo Islas Canarias en Finca España San Cristobal de La Laguna (Tenerife).
