O BAXI Ferrol conta cun novo apoio. Trátase da empresa Nissan Antamotor Ferrol que, tras un acordo co club de baloncesto, pasa a ser empresa colaboradora do equipo.
Desta forma, Nissan Antamotor vincúlase a un equipo no que destacan que “a aposta para regresar á elite é firme, o descenso non foi máis que un pequeno paso atrás para volver con forza á Liga Feminina 1. O Uni Ferrol comezará esa loita polo ascenso sobre rodas”, declaran nun comunicado.
Nissan Antamotor sobre o BAXI: “O descenso non foi máis que un pequeno paso atrás para volver con forza á Liga Feminina 1″
O motivo por parte da entidade automobilística para tomar a decisión de apostar polo BAXI Ferrol é impulsar o deporte e a cultura. O xerente do concesionario Nissan Antamotor para A Coruña, Carballo e Ferrol, Miguel Ángel Galván, declarou que “Desde o Grupo Dilmok (ao que pertence o concesionario) estamos seguros que, colaboracións como a do BAXI Ferrol son fundamentais para apoiar e promover o deporte e a cultura na nosa sociedade”.
O presidente do BAXI Ferrol, Santi Rey, tamén mostrouse encantado polo novo acordo. “Contar cunha colaboración dunha empresa como Nissan Antamotor Ferrol é moi importante para que os integrantes do primeiro equipo poidan ter a súa autonomía á hora de realizar os desprazamentos aos adestramentos. Desde o club estamos moi agradecidos desta colaboración que esperamos que sexa moi fructífera para ambas partes e se poida ampliar nun futuro”, declarou.
Como xesto “do compromiso do grupo de automoción co deporte e a sociedade galega” o anuncio desta colaboración fíxose coa entrega ao adestrador, Lino López, dun vehículo modelo Nissan Juke N-Design Chic.
