A xornada 11 da Liga Feminina 2 deixa estragos nos equipos galegos, agás no caso do Cortegada. Na Malata non poideron celebrar facerse co campionato de inverno (o Baxi Ferrol perdou contra o Movistar Estudiantes). O Celta Zorka Recalvi e o Arxil non consegue a vitoria na capital. Mentres, a cara da xornada púñaa a AD Cortegada. As xogadoras que adestra Rubén Domínguez, tras dous partidos na corda frouxa, gañaron na casa.
Madrid deixou un sabor agridoce o Celta Zorka Recalvi
Segunda derrota na doble cita na capital. O Celta Zorka Recalvi non foi capaz de superar ó Laboratorios Ynsadiet Leganés. Aínda que gañaran os dous últimos cuartos, a vitoria escorregoúselle as viguesas (72-58).
De primeiras, tanto as viguesas como o Laboratorios Ynsadiet ían a saír a por todas no encontro. O Celta Zorka Recalvi comezou cunha pequena vantaxe no marcador. As tornas viraron logo de tres minutos. As de Leganés apertaron na defensa e foron superiores (21-15). No segundo tempo, a segunda máxima anotadora da Liga Feminina 2, Imani Tate, foi facer dano co seu tiro. Isto fixo que pecharan un parcial de 23 a 12 antes do descanso (44-27).
As de Cristina Cantero saíron na segunda metade con outra mentalidade. Melloraron na defensa, na posesión do balón e aproveitaron os erros das locais para gañar o terceiro tempo (13-15). O tiro da liña de 6,75 metros foi un pesadelo para o Celta xa que de 22 tiros só anotaron catro. E tamén, a parella das rivais formada por Rakovic e Pikcuite, que xunto o resto do equipo cambiaron as tornas e deron a vitoria o Laboratorios Ynsadiet Leganes.
O Laboratorios puxérase por diante na táboa. Antes do encontro o Celta era quinto e as madrileñas, oitavas. Tras esta fatídica semana en Madrid o Celta Zorka Recalvi viaxará de novo antes do parón de Nadal. Esta vez a Aviles, contra o ADBA, a Agrupación Deportiva de Baloncesto de Avilés (o sábado 21 de decembro, ás 20.00 horas).
FICHA TÉCNICA
LABORATORIOS YNSADIETE LEGANES: Imani Tate, Esther Moreno, Kristina Rakovic, Lina Pikcuite, Alba Prieto—quinteto inicial—, Paloma Dorda, Sara Sánachez, Sara Zaragoza e Victoria Viñe.
CELTA ZORKA RECALVI: Iciar Germán, Tamara Montero, Anne Senosiain, Elo Edeferioka , Breanna Richardson —quinteto inicial—, Celia García, Noa Comesaña, Lucia Fontela, Maria Barneda e Ainhoa Lazorzana.
PARCIAIS: 21-15, 23-12, 13-15, 15-16
O Arxil non é capaz de rachar coas derrotas
Cinco derrotas consecutivas leva o Arxil no que vai de Liga. As de Maite Rodríguez non puideron facer nada contra o Sinergia Real Canoe N.C. (76-61).
No primeiro tempo o Sinergia Real Canoe foi superior. As de Pontevedra non estiveron acertadas no tiro ata que atoparon a maneira de anotar. Heather Forster foi a encargada de recortar a distancia no marcador. Pero, xa no segundo tempo, os tiros de tres do Sinergia foron a combinación perfecta para alonxarse no marcador.
Tralo descanso, as de Pontevedra volvían a intentalo. As madrileñas seguían por riba no electrónico. Pero as xogadoras de Maite Rodríguez comezaron a recortar distancias grazas as canastras, unha vez máis, de Forster. Pecharon un parcial máis cerca da vitoria. Os últimos dez minutos foron a clave do partido. O Arxil estivo moi preto do Sinergia. Exactamente, a catro puntos. As de Madrid volveron a retomar o control do xogo e afastáronse das xogadoras pontevedresas en 15 puntos.
O Arxil está máis cerca dos postos de descenso. A vindeira semana xogarán de novo un partido complicado. Haberá duelo de rivalidade galego xa que reciben no Estadio da Xuventude a A.D. Cortegada.
FICHA TÉCNICA
SINERGIA REAL CANOE N.C.: Lucía Rodríguez, Rocio Torcal, Emilia Ferreira, Esther Diaz, Macarena Roldan —quinteto inicial—, Sandra Leal, Irene Zabala, Raquel García, Paula Santolaya, Irene Baeza e Silvia Blanco.
C.B. ARXIL: Carla Fernández, Maria Rosendal, Maria Lago, Cristina Diaz-Pache, Heather Marie Forster —quinteto inicial—, Aldara Vazquez, Adriana Aparicio, Noa Casalderrey e Margarita Moreira.
PARCIAIS: 25-17, 18-17, 16-18, 17-9
O Movistar Estudiantes sae vitorioso na Malata
As xogadoras de Lino López non poden celebrar os quinientos partidos en competicións FEB coa sua afición na Malata. Perderon por tan só seis puntos de diferencia contra o líder da Liga Feminina 2, o Movistar Estudiantes (55-61). O que fai que o equipo madrileño sexa o campión de inverno.
Desde os inicios do partido o Baxi Ferrol estivo moi igualado o conxunto madrileño. Comezaron con moito ritmo e tanteándose mutuamente. As ferrolanas levaron a iniciativa no marcador pero sen moita diferencia. Mais un triple do Estudiantes, puxo fin o liderato do Baxi. E xa no segundo tempo, todo foi distinto. O equipo de Madrid viviron os mellores momentos ofensivos e vían máis cerca a vitoria. Lino López percatouse da situación e puxo en alerta as súas xogadoras o que fixo que o final da primeira metade recortaran as distancias (30-34).
Na segunda metade, o plantel da cidade naval non soupo xestionar o encontro. A pesar de que estiveron moi cerca do Movistar Estudiantes. Pero, estas, souberon xestionar a falta de precisión no tiro do Baxi no último cuarto. E un triple das xogadoras de Alberto Ortego fixo que as locais xa non seguiran na loita.
Polo tanto, o Baxi Ferrol cae a terceira praza na clasificación. O Movistar Estudiantes segue líder con nove vitorias en racha. O sábado (21 de decembro, ás 19.30 horas) as ferrolás volven a pista pero esta vez en León contra o Patatas Hijolusa.
FICHA TÉCNICA
BAXI FERROL: Macy Miller, Tamara Kapor, Marta Tudanca, Jenna Allen, Suné Swart—quinteto inicial—, Patri Cabrera, Graldynn Leaupepe, Maria Torreblanca e Maria Aijanen
MOVISTAR ESTUDIANTES: Mariana González, Maria Espin, Laura Marcos, Leslie Knight, Judy Jones —quinteto inicial—, Aitana Cuevas, Cristina Mato, Irene San Roman, Andrea Malanda e Gracia Alonso
PARCIAIS: 13-14, 17-20, 10-15-15-12.
O Cortegada consegue de novo a vitoria
Tras dous partidos na corda frouxa, o AD Cortegada foi capaz de alzarse coa vitoria. O Pavillón de Fontecarmoa foi o encargado de velo medir forzas contra o pechecancelas, o CB Pozuelo UFV (70-58).
Once partidos levan xa sen coñecer a vitoria as rapazas do CB Pozuelo UFV. O último o sumaron xustamente na cancha das xogadoras de Rubén Domínguez. Pero non llo puxeron nada doado e loitaron por rachar coa súa tendencia negativa ata o último cuarto.
O pechecancelas buscaban ante todo poñerlle fin a ese pesadela que reviven xornada tras xornada dende o primeiro partido xogado na Liga Feminina 2. Nesa teima, estiveron presionando as xogadoras do AD Cortegada todo o partido para compricarlles a vitoria. No primeiro tempo só deixaron que as de Pontevedra gañaran de catro puntos. E nos seguintes 20 minutos, o Cortegada vía lonxe poder levarse o partido. As pontevedresas souberon xestionar moi ben o xogo para desmarcarse no último cuarto. No cal gañaron con unha diferencia de once puntos (21-10)
A AD Cortegada segue cerca dos postos de descenso. Só ten por debaixo o ADBA, e o seu rival desta semana. Para a que ven, xogan fóra da casa pero non moi lonxe. O C.B. Arxil será o seu rival (o sábado 21 de decembro ás 19.30 horas) na última xornada da primeira volta da Liga.
FICHA TÉCNICA
A.D. CORTEGADA: Andrea Rios, Patricia Vicente, Cristina Loureiro, Miriam García, Michelle Jones —quinteto inicial—, Nuria Choren, Zeltia Presas, María González e Irene Montenegro.
AEDAS HOMES CB POZUELO UFV: Inés Maruri, Sofía Gaos, Laura Martínez, Laura Velasco, Cristina Martínez —quinteto inicial—, Vega López, Carolina Coello, Rapaluchi Ayodele, Rebeca García e Paloma González.
PARCIAIS: 15-11, 18-20, 16-17, 21-10
