Que o derbi entre os equipos galegos da Liga Challenge ía ser moi igualado e disputado era visto. O BAXI Ferrol chegaba á cita de Navia líder e invicto. O seu inmediato perseguedor era, xustamente, o Celta Zorka Recalvi. Así que ademais de ser un duelo de rivalidade autonómica, este partido da sexta xornada tiña o liderado en xogo. O triunfo foi para as ferrolás.
O equipo que prepara Lino López suma seis triunfos de seis posibles. Son líderes con 12 puntos, dous máis que o bloque de catro equipos que a seguen con 10 puntos: Recoletas Zamora, La Cordà de Paterna NB, Celta Zorka Recalvi e Alter Enersun Al-Qázeres Ext.
ℂ
✔️Todo preparado para el derby gallego en Navia.
Los presidentes de ambos clubes en la previa CanalFEB, con @NanoAmeneiro pic.twitter.com/PBbF2TjlxL
— CELTA BALONCESTO (@Celtabaloncesto) October 29, 2022
O último cuarto foi o que decantou o partido do bando do BAXI Ferrol. O Pavillón de Navia en Vigo acolleu un partido no que calquera dos dous equipos podería ter gañado. O encontro tivo donas por momentos. Ao final do primeiro cuarto chegouse con triunfo das locais por tres puntos sobre as visitantes (13-10).
O Celta Zorka Recalvi fíxolle fronte ás líderes e vendeu cara a súa pel. As rotacións fixeron que o BAXI Ferrol chegase máis fresco á recta final do choque. Foi aí onde as celestes víronse superadas polas ferrolás. Ata entón o partido podería ser para calquera dos dous conxuntos galegos.
O marcador ía e viña e as defensas de ambos os dous equipos brillaron máis ca nunca. A contención aos ataques rivais minguaba os puntos que subían ao marcador en comparación con outros partidos. Pero é que este derbi galego non era un partido calquera. Foi o primeiro cruce entre equipos de Galicia nesta categoría. So por iso, xa estabamos ante un partido histórico.
No arranque do segundo cuarto o Celta Zorka Recalvi continuaba aumentando distancias co BAXI Ferrol. Ata que esperaron. O equipo que adestra Lino López endosaba un parcial de 0-11 que obrigaba a Cristina Cantero a pedir tempo morto. Houbo reacción das locais e ao descanso chegouse cun 26-30. O BAXI Ferrol ía por diante, pero estaba a tiro de pedra.
Logo do descanso o Celta Zorka Recalvi tivo en Anne Senosiain o seu alicerce. O BAXI Ferrol empleouse a fondo e a distancia quedou en un triple de diferencia (43-46). Un tiro, un acerto, e o partido igualábase. Todo estaba por decidir no definitivo cuarto cuarto. E así foi.
O @UniFerrol gaña na pista do @Celtabaloncesto no duelo entre os dous equipos que chegaban mellor á x6 (51-59) da LF Challenge
A 5 min do final o resultado era de 47-50
Cinco puntos de Ángela Mataix no treito final, decisivos pic.twitter.com/dtKZM0ZKHu— En Xogo tvG2 (@EnXogo_tvG2) October 30, 2022
A capacidade de rotación de banco do BAXI Ferrol, que ten xustamente no seu bloque a súa maior virtude, fixo posible un 8-13 que deixou o partido ao final cun 51-59 campeando no electrónico de Navia. A capacidade de mudar xogadoras sen que o grupo se resinta permite a Lino López que o fondo de armario do grupo que prepara lle dea partidos unha vez si, e outra tamén. As ferrolás poden coller folgos e entregarse a todo trapo durante todos os minutos que xogan por que o nivel do grupo no se resinte cos cambios. Cun equipo así, que non acusa o cansancio nin os cambios, é complicado gañar co paso dos minutos.
Nova xornada da Liga Challenge para Celta e BAXI Ferrol o martes
Esta semana semana o Celta Zorka Recalvi visita a Domusa Teknik ISB en Gipuzakoa en xornada intersemanal da Liga Challenge aproveitando a festividade de mañá martes 1 de novembro ás 11:00 horas con arbitraxe de Sergio del Val Nuño e José Sánchez Jiménez.
O seguinte partido como local das celestes será o domingo 6 de novembro ás 13:00 horas no pavillón de Navia diante Recoletas Zamora, segundo clasificado. As celestes caeron á cuarta praza logo da disputa desta sexta xornada.
No caso do BAXI Ferrol, xogan na Malata recibindo ao Millar Córdoba Baloncesto Femenino ás 19;00 horas. Arbitrarán o partido Jaimen Enrique Álvarez Ossorio e Iván Escariz Torres.
Na seguinte fin de semana o equipo que adestra Lino López xoga no Pavillón Multiusos Ciudad de Cáceres contra do Alter Enersun Al-Qázeres Ext. o sábado 5 de novembro ás 18:00 horas. Arbitrarán o partido Pablo Mirantes Ibase e Jesús Criado García.
FICHA TÉCNICA
51) CELTA ZORKA RECALVI: Anne Senosiain (16), Regina Aguilar (4), Sara Vidal (0), Luzie Sila (4), Murjanatu Musa (8) – quinteto inicial -. Tamén xogaron: Marina Gea (7), Elba Garfella (8) e Ajla Selimovic (4).
59) BAXI FERROL: Claudia Soriano (0), Angela Mataix (8), Julieta Mungo (6), Jenna Allen (10), Marianne Kalin (2) – quinteto inicial -. Tamén xogaron: Nevena Dimitrijevic (6), Irene Gari (7), Patricia Soler (2), Marta Gómez (8), Jessica Fecquiere (10) e Andrea Boquete (0).
PARCIAIS: 13-10, 13-20, 17-16 e 8-13.
EQUIPO ARBITRAL: Alejandro López Lecuona e Marc García Santos.
INCIDENCIAS: Duelo de rivalidade rexional galego. Partido correspondente á sexta xornada da Liga Femenina Challenge disputado no pavillón de Navia en Vigo diante de aproximadamente unhas 500 personas. Na bancada contouse con presencia de medio cento de seareiras do BAXI Ferrol.
Lino López ofrece sus impresiones tras la sexta victoria de Baxi Ferrol.
Nano Ameneiro
RSPROVIDEO
Fundación Celta#LFChallenge pic.twitter.com/HNKf6AmQVj— CELTA BALONCESTO (@Celtabaloncesto) October 30, 2022
Valoración de Cristina Cantero tras el derby de Navia.
Nano Ameneiro
RSPROVIDEO
Fundación Celta#LFChallenge pic.twitter.com/kwgvtEovCK— CELTA BALONCESTO (@Celtabaloncesto) October 30, 2022
