A xornada 21 da Liga Challenge tiña previsto un derbi para o baloncesto feminino galego. O BAXI Ferrol foi o gañador do duelo de rivalidade rexional ante o Celta Zorka Recalvi por un tanteo de 73-57. Este resultado deixa ás ferrolás máis firmes no seu liderado na categoría de prata estatal.
O BAXI Ferrol mantense firme na loita polo sei principal obxectivo: o ascenso directo a Liga Feminina Endesa ao final deste curso 2022-23. Superar no derbi galego ao Celta Zorka Recalvi cun marcador de 73-57 afianza aínda máis ás departamentais cara a esa meta. As celestes levaban tres partidos seguidos gañando e as universitarias suman con este unha serie de cinco triunfos consecutivos.
O BAXI Ferrol avanza no camiño ao ascenso
O equipo que adestra Lino López dá un paso máis na procura dese obxectivo final nesta xornada 21 xa que está líderes con dous triunfos de vantaxe sobre o Recoletas Zamora a falta de nove xornadas para que se escoite a última bucina ligueira.
Perdou o Recoletas Zamora, que se sitúa en segundo lugar, dous puntos por debaixo das galegas. Perderon tamén o La Cordá de Paterna NB e o Joventud de Badalona, terceiro e cuarto respectivamente, ambos os dous con 35 puntos (catro menos cas ferrolás).
Foi este derbi do baloncesto feminino galego un partido que non defraudou. As celestes que adestra Cristina Cantero plantáronse ante o BAXI Ferrol con arrouto, fouteza e rompendo o prantexamenteo habitual das ferrolás.
Pero co paso dos minutos, o Celta Zorka Recalvi foi vendo como as locais se ían abrindo paso no marcador pouco a pouco. Ao final do primeiro cuarto o tiña unha vantaxe de so 4 puntos (15-11).
Irene Gari estivo fantástica e sobre ela pivotou o xogo das ferrolás. Ao final do encontro sería recoñecida como a MVP do derbi do baloncesto feminino galego cun 21 de valoración.
No segundo cuarto a distancia entre viguesas e ferrolás incrementábase en 10 puntos (parcial de 23-13) colocando o electrónico da Malata en 38-24 ao final da primeira metade.
Á volta de vestiarios o BAXI Ferrol seguiu mandando na pista e no electrónico. Sumou catro puntos máis no terceiro cuarto cun parcial de 24-20, colocando o global do partido en 62-44.
No período definitivo foi mellor o Celta Zorka Recalvi cun parcial 11-13 que non puido impedir o 73-57 final.
FICHA TÉCNICA
73) BAXI FERROL (15+23+24+11): Soriano (4), Mungo (6), Gómez (2), Kalin (4), Fequiere (11) -cinco inicial- Gari (13), Mataix (5), Boquete (13) e Allen (15).
57) CELTA ZORKA RECALVI (11+13+20+13): Sila (6), Senosiain_(11), Musa (11), Aguilar (6), Cliney (13) -cinco inicial- Gea (6), Garfella (4), Sánchez (0), Selimovic (0) e Vidal (0).
PARCIAIS: 15-11, 38-24, 62-44 e 73-57.
EQUIPO ARBITRAL: Presseguer Bombardo e Fernández García. Sen xogadoras eliminadas.
INCIDENCIAS: Derbi do baloncesto feminino galego disputado no pavillón da Malata, en Ferrol, que rexistrou unha boa entrada nas bancadas.
⛹️♂️ #LFChallenge: La 🇯2⃣1⃣ acerca al @UniFerrol a su objetivo tras el triple “favor” de @CABESTEPONA, @ClubSalle y @cbalcobendas
▶ Disfruta de las mejores imágenes de la jornada desde la Galería de @BaloncestoESP
📸 Galería fotos Flickr ⬇https://t.co/AKO39lgEcI pic.twitter.com/3phXpltxnS
— CompeticionesFEB (@CompeticionFEB) February 4, 2023
ASÍ FORON OS RESULTADOS DA LIGA FEMENINA CHALLENGE NA XORNADA 21:
- Lima Horta Barcelona vs Alter Enersun Ao-Qázeres (66-62) | MVP: C. Primm – 27 val.
- Domusa Teknik ISB vs Vega Lagunera Adareva (51-45) | MVP: J. Molina – 14 val.
- Baxi Ferrol vs Celta Zorka Recalvi (73-57) | MVP: I. Gari – 21 val.
- Melilla Sport Capital vs A Cordà de Paterna (75-57) | MVP: B. Stevanovic – 23 val.
- Vantage Towers Alcobendas vs Joventut Badalona (81-67) | MVP: L. Howard – 39 val.
- Sernova Real Canoe vs Picken Claret (55-58) | MVP: C. Fiorotto – 25 val.
- Osés Cons. Ardoi vs Milar Córdoba (71-57) | MVP: D. Cabrera – 22 val.
- CAB Estepona JCDS vs Recolectas Zamora (69-58) | MVP: A. Pocek – 29 val.
