A fase de ascenso está máis preto. O Baxi Ferrol volveu pola senda da vitoria. As da cidade departamental impuxéronse no duelo galego por un 65 a 47 a un Celta Zorka Recalvi que se foi mermando a medida que transcurría o tempo. Miller e Allen fixeron un total de 25 puntos e Lacorzana foi a superior das celestes con 11.
A primeira posesión partía das mans do cadro celeste. Tamara Montero era a encargada de dirixir ao Celta e intentaban desde a liña de tres abrir o marcador. Os primeiros puntos do marcador saíran das mans das ferrolás, xustamente de Tamara Kapor baixo o aro.
Rapidamente, Edeferioka cunha mesma xogada empataba o encontro. Ambos equipos intentábanno desde o triplo. Macy Miller, coma sempre, buscaba baixo o aro a Jenna para que sentenciara. De súpeto coa posesión celeste, chegaría o primeiro triplo na cidade departamental para poñer o 4 a 5.
Das mans de Lacorzana saía o segundo. O Baxi non quería quedar por detrás e tamén o intentaba desde o 6,75 metros. O Celta encarrilaba a súa primeira vantaxe cun 4 a 9 no marcador. As da cidade departamental costáballes o ataque debido a gran defensa que estaban a facer as celestes.
Tamara Montero facía o terceiro e Lino López tiña que deter o encontro para reconducir as súas xogadoras. Macy Miller intentaba por todos os medios que o Baxi metera puntos forzando unha falta para tirar desde o libre. De repente, Marta Tudanca fixo o primeiro triplo para as ferrolás e conseguía encaixar o ataque. Máis tarde, endosaba tres puntos para empatar e darlle a volta ao marcador. Ao descanso: 16-17.
No reinicio ante do descanso, o Baxi Ferrol saía con as gañas de poñerse por diante. Marta Tudanca volvía a estar moi enchufada e encargouse de poñelas por diante. Os segundos cuartos non están sendo moi favorables para as viguesas xa que quedaron atascadas nos 17 puntos e as canastras no entraban.
Cristina Cantero parara o tempo posto que Leaupepe e Tudanca estaban despegando as da cidade departamental. A volta, a gran defensa de Leaupepe facía perder un balón ao Celta que era recuperado por Natalia Rodríguez e sentenciado por Miller baixo o aro.
Ainhoa Larcozana facía soñar acercándoas as locais desde o triplo as olívicas. A dos segundos, Lino López paraba o tempo para xogar a última posesión que sería cortada ao asubío do descanso: 38 a 28.
As viguesas intentaron tralo descanso incarlle o dente ao Baxi Ferrol
Jenna Allen foi a primeira en marcar tralo tempo de lecer. Edeferioka quería responder pero non entrou o tiro. A norteamericana saíu moi metida posto que tamén foi a encargada de encaixar o primeiro triplo dos últimos vinte minutos.
As viguesas intentaban por todos os medios incarlle o dente a defensa departamental. Buscaban darlle a volta ao marcador. Pero as ferrolás xa tiñan unha vantaxe que a medida que transcurría o tempo aumentaba máis. Ao final do terceiro tempo as xogadoras do Baxi Ferrol ían 51 a 36. Polo que a vitoria estaba a punto de caer para Ferrol.
Nos últimos dez minutos, as ferrolás demostraron a súa superioridade na súa pintura. A vantaxe sobre o Celta Zorka Recalvi seguía crecendo. O conxunto de Lino López conseguía unha vitoria abultada para estar máis preto da fase de ascenso cun 65-47.
Para a semana, as da cidade departamental viaxan ata Madrid para enfrontarse ao pechacancelas da Liga Feminina 2. O sábado (14 de marzo, ás 20.00 horas), o Baxi Ferrol xoga contra o Pozuelo. Sen embargo, o Celta recibe no Pavillón de Navia, o Sinergia Real Canoe (14 de marzo, ás 18.30 horas).
FICHA TÉCNICA
BAXI FERROL: Patricia Cabrera, Macy Miller, Patricia Benet, María Torreblanca, Tamara Kapor —quinteto inicial—, Geraldynn Leuapepe, Natalia Rodríguez, María Aijanen, Marta Tudanca, Jenna Allen e Sune Swart.
CELTA ZORKA RECALVI: Celia García, Iciar Germán, Noa Comesaña, Tamara Montero, Ainhoa Lacorzana —quinteto inicial—, Anne Senosiain, Lucía Fontela, Elo Edeferiola, Ángela Coello e Breanna Richardson.
PARCIAIS: 16-17/ 22-11/ 13-8/ 14-11
ÁRBITROS: Ivan Escariz Torres e Adrian Álvarez Rodríguez.
INCIDENCIAS: Partido correspondente a xornada 21 da Liga Feminina 2 de baloncesto no que enfrontou ao Baxi Ferrol e o Celta Zorka Recalvi no Pavillón Municipal da Malata.
