O BAXI Ferrol contará cunha nova base para a vindeira tempada. Trátase da catalá Alicia Villegas, que chega á cidade departamental para competir co club na LF Endesa.
A base é unha cara xa coñecida en Galicia. Na pasada campaña, a xogadora militou noutro club galego, o Durán Maquinaria Ensino, aínda que non puido competir durante moitas xornadas por unha lesión de xeonllo pola que tivo que ser operada.
Alicia Villegas está preparada para formar parte do BAXI
O club do BAXI Ferrol someteu á xogadora a probas médicas antes de pechar o acordo e despois de ser examinada por varios médicos, estes certificaron que está recuperada da lesión e que poderá iniciar a pretempada co resto de integrantes do equipo.
A xogadora comenta sobre a súa fichaxe polo BAXI que “é un club moi familiar ao que fai moitos anos que sigo. Só me chegan boas palabras tanto del como de Lino López“.
Alicia Villegas di que o Universitario de Ferrol: “É un club moi familiar ao que fai moitos anos que sigo. Só me chegan boas palabras tanto del como de Lino López”
Villegas ten claro que os seus principais aportes ao equipo serán “diversión en ataque e intensidade en defensa”. O obxectivo das ferrolás é asegurar a permanencia, polo que a catalá espera “pasálo ben, aprender tanto de Lino, ao que hei de agradecer a confianza que puxo en min ao darme a oportunidade despois de vir dunha lesión como a que sufrín a tempada pasada, como das miñas compañeiras”.
A isto engade que “a nivel de resultados creo que temos que tormarnos como un reto aspirar a cousas grandes como unha Copa da Raíña ou un play-off. Pero temos que traballar día a día e os resultados chegarán”.
Alicia Villegas: “Vai ser un ano divertido, no que esperemos que o tema COVID non nos faga estar sen público como esta tempada pasada, e que se animen a vir e chear o pavillón, que sempre se nota esa xogadora máis na pista”
A xogadora manda ademais unha mensaxe á afección e comenta que “vai ser un ano divertido, no que esperemos que o tema COVID non nos faga estar sen público como esta tempada pasada, e que se animen a vir e chear o pavillón, que sempre se nota esa xogadora máis na pista. E como ben dicides, que sintan o Uni”.
Con esta fichaxe, Alicia Villegas é a novena xogadora confirmada desde o proxecto do BAXI Ferrol para disputar a LF Endesa, tras as renovacións de Jenna Allen, Natalia Rodríguez, Patri Cabrera, Suné Swart, Dynn Leaupepe e Irene Garí. Tamén incorpóranse como fichaxes Carmen Grande e Milica Ivanovic.