O BAXI Ferrol enfróntase ao Perfumerías Avenida na Malata

Os afeccionados BAXI Ferrol terán hoxe sábado 4 de setembro, na tarde a posibilidade de ver o novo proxecto do conxunto departamental na disputa do XXI Trofeo Concello de Ferrol, que lle vai a medir diante o  Perfumerías Avenida.

A contenda está programada para as 18.00 horas no pavillón da Malata. Para poder acudir a este partido, os abonados do cadro ferrolán terán que pagar un euro, mentres que as entradas para o público custan dez euros, aos maiores de idade, e cinco, aos menores.

Pódense comprar as entradas esta tarde de 19.00 a 20.30 horas, no despacho de billetes do pavillón e mañá, a partir das 17.00 horas, que será cando se abran as portas do recinto. En canto ao partido, o equipo local vai ter enfronte ao actual campión de Liga Endesa e subcampión da Euroliga.

Un conxunto infestado de internacionais e con xogadoras dun gran nivel. Nesta cita en Ferrol, contarán coa croata Mia Magic, que acaba de ser incorporada ao equipo para suplir as ausencias dalgunhas das xogadoras que están na WNBA.

Por parte do  BAXI Ferrol, Lino López dispoñerá de todas as xogadoras, menos con Dynn Leaupepe, que aínda non se incorporou ao equipo. Ademais, están convocadas as xogadoras da canteira Sonia Bra, Carla Pena e Zaira González, que están a facer a pretemporada co primeiro persoal.

López, adestrador do BAXI: “Ímonos tomar o partido coma un paso da pretempada”

O adestrador do conxunto ferrolán, Lino López, ten moi claro que “nos tomaremos o partido como un paso máis na pretemporada. Será duro porque nos imos a enfrontar a un rival moi potente”. Ademais, o preparador engade que “imos repartir as cargas porque o que queremos é que todas acaben o partido sen problemas. As que teñan molestias xogarán menos”.

O técnido do BAXI Ferrol, Lino López, “este encontro é un premio para a nosa afección, que vai poder volver ver ao equipo e nós notamos moito a súa presenza nos partidos”.