A terceira xornada da Liga Feminina Endesa abriu o pano co cruce entre o Innova-TSN Leganes e Durán Maquinaria Ensino. Nun cruce que desde o inicio mostrou a igualdade entre ambos os conxuntos. As galegas conseguiron o triunfo por un tanteo final de 59-70. No caso do BAXI Ferrol a vitoria chegou na prórroga nun partido moi traballado das ferrolás.
Vitoria do Ensino en Leganés
No primeiro cuarto as galegas caían por un tanteo de 15-9. Foi no segundo cuarto cando as visitantes impuxeron o seu ritmo grazas a unha sólida defensa que lles permitiu correr e atopar mellores opcións en ataque. O resultado foi un parcial de 13-20 que colocaba o partido ao descanso en 28-29. Unha ventaxa mínima para as galegas que daba forzas ás lucenses para aspirara a todo.
Con todo, o choque mantívose pechado ata os minutos finais, onde a experiencia e o saber controlar o xogo foron determinantes. O último cuarto, cun parcial de 12-25 foi decisivo para a vitoria galega.
O Innova-TSN Leganes, a pesar do seu esforzo, desfíxose no tramo decisivo, mentres que Durán Maquinaria Ensino soubo manter a calma e pechar o partido con acerto, levándose un triunfo traballado e valioso fóra de casa para sumar a súa segunda vitoria da tempada.
O resultado sitúa ao Durán Maquinaria Ensino como 8.º na clasificación da LF Endesa con dúas vitorias e unha derrota. O seu seguinte rival será o Lointek Gernika Bizkaia o sábado 25 ás 19:30 no Pazo Provincial dos Deportes de Lugo con arbitraxe de Héctor Báez Batista, Francisco González Cuervo e Alejandro Calvo Aceña. O rival das lucenses ocupa a sexta praza na táboa clasificatoria. co memso número de puntos cas galegas pero mellor basketaverage.
Ver esta publicación en Instagram
FICHA TÉCNICA
59) LEGANÉS: Anne Dodson (10), Brahima Sangare (4), Noortje Driessen (7), Irene Lahuerta (9), Eleni Bosgana (12) – quinteto inicial -, Cristina Bermejo, María Espín (2), Lucía Togores (1), Cristina Soriano, Carolina Herlihy (4) e Gabriela Andelova (10)
70) DURÁN MAQUINARIA ENSINO: Alessandra Orsili (2), Imani Tate (9), Alicia Flórez (19), Elba Garfella (8), Lydia Giomi (12) – quinteto inicial -, Henie Van Schaik, Maimouna Haidara (8), Jessica Fequiérè (12) e Zoe Hernández
PARCIAIS: 15-9, 13-20, 19-16 e 12-25
EQUIPO ARBITRAL: Cristina Adán, María de los Ángeles García e Christian Ruiz.
INCIDENCIAS: Partido correspondente á terceira xornada na LF Endesa disputado no Pabellón Europa de Leganés (Madrid)
Podes ver aquí o partido Innova – TSN Leganés vs Durán Maquinaria Ensino LF Endesa 59-70
Triunfo na prórroga do BAXI Ferrol ante o Araski
O BAXI Ferrol logrou unha traballada vitoria diante Kutxabank Araski (69-62) nun encontro igualado que se resolveu no tempo extra, correspondente a unha nova xornada da liga Feminina Endesa. Para as visitantes foi a súa primeira derrota nesta tempada na LF Endesa, e para as locais un respiro na clasificación. O triunfo acadouse na prórroga.
Ver esta publicación en Instagram
As locais dominaron os dous primeiros cuartos, pero Kutxabank Araski reaccionou con forza no terceiro, recurtando diferenzas e levando a emoción ata o final. Tanto foi así que forzaron a prórroga. Cunha bancada entregada ao seu equipo, o encontro mantívose igualado ata os últimos minutos, onde Baxi Ferrol levou a vitoria.
O conxunto que adestra Lino López xogou como un equipo, sen depender dunha xogadora en concreto repartíndose o liderado en cada etapa do xogo. As ferrolás loitaron cada pelota e fixéronse coberturas conseguindo unha vitoria traballada, pero xusta diante dun rival directo ao que adiantan na clasificación esta terceira xornada da LF Endesa.
Tal e como informa o equipo na súa web “o partido comezou cun ritmo baixo e con escaso acerto ofensivo por parte de ambos os conxuntos. O primeiro cuarto concluíu cun curto 11-9 favorable ás locais. No segundo período, Ferrol conseguiu abrir unha pequena brecha grazas a unha defensa máis intensa e ao acerto desde o perímetro, alcanzando o descanso cunha vantaxe de 29-20”.
“Tras a continuación, Kutxabank Araski mellorou a súa efectividade e foi reducindo diferenzas. O conxunto vasco aproveitou os erros no pase e a perda de ritmo das ferrolás para achegarse no marcador, situándose 48-40 ao termo do terceiro cuarto”, contan na web do club ferrolá.
No último parcial, as visitantes mantiveron a súa empuxe e, cun parcial favorable, lograron igualar o encontro (58-58), forzando a prórroga. No tempo suplementario, o BAXI Ferrol mostrou maior solidez e enerxía. Un parcial de 10-0 resultou determinante para que o equipo dirixido por Lino López asegurase a vitoria.
As galegas son undécimascon dous triunfos e unha derrota.
O seguinte partido do conxunto ferrolá na LF Endesa será na mañá do domingo 26, contra das 12:30 no Pabellón Príncipe Felipe de Zaragoza. Enfronte terán ao Casademont Zaragoza. Arbitrarán o choque os colexiados Carlos Javier García León, Rodrigo Domingo Garvin e Alberto Lázaro Rodríguez. As mañas son terceiras polo que esta xornada será complicada, polo menos sobre o papel, para o equipo que adestra Lino López.
FICHA TÉCNICA
69) BAXI FERROL: Erjavec (-), Millán (11), Daniels (21), Joiner (9), Ine Joris (5) -cinco inicial-; Sánchez-Ramos (6), Sotolova (5), Elena Rodríguez (4) e Melia (8).
62) KUTXABANK ARASKI: Hill (13), Lawrence (4), Toussaint (7), Lahtinen (8), Quevedo (20) -cinco inicial-; Brotons (4), Urbaniak-Dornstauder (6), Sanz (-) e Dembele (-).
PARCIAIS: 11-9, 18-11, 19-20, 10-18 e 11-4
EQUIPO ARBITRAL: Rodrigo Palanca Page, Francisco González Cuervo e Juan Pinela García.
INCIDENCIAS: Partido correspondente á terceira xornada da Liga Femenina Endesa disputado no Pavillón Municipal da Malata en Ferrol.
Podes ver aquí o partido entre Baxi Ferrol vs Kutxabank Araski LF Endesa 69-62
RESULTADOS DA 3.ª XORNADA NA LF ENDESA
- Innova-tsn Leganés – Durán Maquinaria Ensino (59-70) | MVP: Alicia Flórez 26 VAL
- SPAR Gran Canaria – Perfumerías Avenida (78-79) | MVP: Merceron 36 VAL
- IDK Euskotren – Ingeniería Ambiental CAB Estepona (83-60) | MVP: Sika Koné 25 VAL
- Cadí la Seu – Valencia B.C (73-74) | MVP: M. Araujo 17 VAL
- Hozono Global Jairis – Movistar Estudiantes (69-58) | MVP: Ezeigbo 19 VAL
- Lointek Gernika Bizkaia – Casademont Zaragoza (97-83) | MVP: Olaeta 24 VAL
- Baxi Ferrol – Kutxabank Araski (69-62) | MVP: Jourdain 28 VAL
- Club Joventut Badalona – Spar Girona (64-71) | MVP: Jocyte 29 VAL
