O Baxi Ferrol é o primeiro equipo de Liga Feminina 2 que consegue a clasificación matemática para a fase de ascenso á liga Endesa, despois de lograr esta mañá de domingo, 14 de febreiro, a súa vixésima vitoria consecutiva no enfrontamento ante o Magectias Contra a Violencia de Xénero por 76-52.
Foi un encontro no que o equipo ferrolán contou coas baixas das lesionadas Julieta Mungo e Natalia Rodríguez e no que o cadro ferrolán non estivo especialmente acertado no lanzamento, aínda que non tivo ningunha dificultade para desfacerse da escuadra canaria.
No primeiro cuarto, a formación local conseguiu distanciarse no marcador, grazas a unha boa defensa, o que levou a que ao final do primeiros dez minutos o marcador reflectise un resultado de 24-10.
Con todo, no segundo parcial, o equipo ferrolán non estivo tan seguro en defensa, concedendo canastras fáciles ao seu rival, que chegou ao descanso cun 44-32.
Neste partido Lino López ensaiou xogadas distintas ás habituais, con moita menos presión na defensa, sendo o terceiro cuarto, os de máis erros por parte de ambas as formacións, que perdían con moita facilidade o balón, terminando cun 57-46.
No últimos dez minutos, o equipo ferrolán volveu porlle máis intensidade ao choque, mentres que rival empezaba a acusar o cansazo, o que lle levaba a estar mais desacertado en ataque. Iso aproveitouno o BAXI Ferrol para lograr a súa vixésima vitoria, por 76-52, e con eles poder celebrar o primeiro obxectivo da tempada, a clasificación para a fase de ascenso á liga Endesa.
FICHA TÉCNICA
76) BAXI FERROL: Brooke Salas (16), Laura Fernández (4), Patricia Cabrera (9), Leaupepe (8) e Anniina Aijanen – quinteto inicial -. Tamén xogaron: Irene Gari Gilabert (-), Patricia Benet (11), Andrea Boquete (8) e Sune Swart (7).
52) MAGECTIAS CONTRA LA VIOLENCIA DE GÉNERO: Regina Gómez (4), Maimouna Haidar (14), Carolina Mateo (12), M.Esperanza Delgado (-), Camille Joy Giardina (9) – quinteto inicial -. Tamén xogaron: Carla Esther Medina (3), Iranzu Drake (2), Samira Olano (3), Natalia García (5) e Mikela Riolo (-)
PARCIAIS: 24-10, 20-22, 13-14 e 19-6
ÁRBITROS: Iván Escariz Torres e Alejandro Velasco Sánchez.
INCIDENCIAS: Partido correspondente á 20 xornada na LF2 disputado no pavillón polideportivo da Malata en Ferrol, sen público por mor das restriciónsd e aforo vixentes para frear a curva de contaxios da COVID-19 en Galicia.
