- O BAXI Ferrol imponse contundentemente ao Benfica na Eurocup Women. As galegas case dobran no marcador ás lusas superando os cen puntos no seu casilleiro.
Logo de catro partidos xogados nesta Eurocup Women 25-26 o BAXI Ferrol mantense invicto na competición continental e asina o seu pase á seguinte fase cando aínda quedan dous partidos por disputarse desta parte da competición (a fase de grupos).
O triunfo das xogadoras que adestra Lino López hoxe diante do Benfica certifica o paso adiante na Eurocup Women do BAXI Ferrol.
A vitoria das ferrolás fronte as lusas foi tan rotunda como deixa claro o marcador de 109-58.
Ver esta publicación en Instagram
A Malata foi escenario dun partido no que as galegas amosaron o seu poderío encestador. No primeiro cuarto xa deixaban claro as xogadoras do BAXI Ferrol quen mandaba diante da canastra. Un 24-6 encarrilaba o encontro poñéndolle o triunfo de cara ás galegas. O segundo cuarto foi máis do mesmo pese a unha pequena mellora lusa (26-12).
O BAXI Ferrol vencía 50-18 ao descanso
Chegouse ao descanso cun tanteo de 50-18 para o conxunto galego do Uni Ferrol m. Moito terían que mellorar as xogadoras do Benfica para darlle a volta ao electrónico.
Á volta do paso por vestiarios, máis do mesmo: poderío local e un novo cuarto para o peto da ferrolás (30-23). No definitivo o parcial de 29-17 deixaba o marcador final en 109-58, coas universitarias invictas e clasificadas para a seguinte fase da Eurocup Women.
Ver esta publicación en Instagram
FICHA TÉCNICA
109 ) BAXI FERROL: Sotolová (13), Sánchez-Ramos (13), Melia (9), Joiner (8) e Elena Rodríguez (6) – quinteto inicial -. Tamén xogaro: Daniels (19), Erjavec (17), Millán (7), Joris (15), Baldonedo (2) e Irene Somorrostro.
58) BENFICA: Puc (7), Bettencourt (7), Faustino (4), Soares (6) e Fernandes (4) – quinteto inicial -. Tamén xogaron: Sueiro, Martins (3), Balde (6), Afonso (8), Batista (5), Goncalves (6) e Rodrigues (2).
PARCIAIS: 24-6, 26-12, 30-23 e 29-17
EQUIPO ARBITRAL: O. Dotsenko, G. Williams e J. Malane.
INCIDENCIAS: Cuarto partido da fase de grupos da Eurocup Women disputado no Pavillón da Malata en Ferrol diante de máis de 1.400 persoas na bancada.
