Esta mañá presentouse nas dependencias municipais o XXI Trofeo Concello de Ferrol de baloncesto feminino que o sábado, 4 de setembro, ás 18.00 horas, dirimirán no pavillón da Malata os equipos do BAXI Ferrol e o Perfumerías Avenida.
No acto estiveron presentes o edil deportes ferrolán, Antonio Golpe, e a vicepresidenta do club, Almudena Marcos. O concelleiro recalcaba o éxito alcanzado polo cadro departamental co ascenso á primeira categoría e que se elixiu para esta edición do torneo a un rival do potencial do salmantino.
Pola súa banda, a representante da entidade agradecía o respaldo do Concello para realizar este partido e confía en que a “Xunta autorice, polo menos, as 1.500 personas que haberá na Malata na final da Copa Galicia masculina”.
Prezos das entradas para o Trofeo Concello de Ferrol
Ata que non se coñeza o aforo definitivo non se poñerán á venda as entradas, que terán un prezo de 10 euros para os adultos, 5 para os que teñan entre 6 e 17 anos, mentres que os menores de cinco anos entrarán gratis. Pola súa banda, as persoas abonadas do BAXI Ferrol terán que pagar un euro para acudir ao choque, todos os maiores de cinco anos.
As persoas que se fagan abonados do club antes da data do partido tamén se poderán acoller a este prezo, podéndose darse de alta estes días, no Bar Sur, cale madalena 50 da cidade departamental, que é a sede da Peña Ruxidos de Esteiro.
