A pretempada segue en marcha e esta semana poderemos desfrutar dun derbi do máximo nivel no baloncesto galego. O BAXI Ferrol e o Durán Maquinaria Ensino, dous equipos da LF Endesa, enfrontaranse na primeira edición do Torneo Cidade de Narón. O partido terá lugar o mércores, 8 de setembro, ás 20:00 horas no pavillón da Gándara.
No bando local, as ferrolás contan con Lino López aos mandos, quen non poderá contar con Jenna Allen quen segue a recuperarse da súa lesión cara o inicio da tempada. Tamén está entre algodóns e será dúbida ata última hora Taylor Koenen, debido á escordadura de nocello que sufriu no partido ante o Perfumerías Avenida.
Neste primeiro encontro de pretempada, o BAXI Ferrol perdeu por un 70-82 no que foi a disputa do XXI Torneo Concello de Ferrol. Podes revivir o partido nesta ligazón.
Pola súa banda, o Ensino conta con novo adestrador, Miguel Ángel Ortega. Entre as principais novidades do plantel destaca Tamara Abalde, xogadora da Selección Española, olímpica e natural de Ferrol, que regresa a Galicia co club lucense. As lucenses tamén se enfrontaron ás salamantinas en partido de pretempada, rematando o encontro nun 40-55 a favor do Perfumerías Avenida.
A venda de entradas para o partido, cun prezo de dez euros para maiores de idade e cinco para menores, estará dispoñible o mesmo mércores, entre as 16:00 e as 20:00 horas no despacho de billetes. Ata 400 persoas poderán desfrutar en directo e de xeito presencial do encontro.
Mañá, segundo amigable da 21/22:
🏆 I Torneo Concello de Narón
📆 Mércores 8
⏲️ 20:00 h
🏟️ Pavillón Gándara
🏀 BAXI Ferrol – Durán Maquinaria @ensinolugocbOrganiza: Concello de Narón
Colabora: @baloncesto_naronVenta de entradas na taquilla o día de partido, de 16 a 20h. pic.twitter.com/eB74rAywY8
— Baxi Ferrol (@UniFerrol) September 7, 2021
