Despois dunha xornada de vitorias, tocou unha fin de semana de derrotas para as galegas da LF Endesa. BAXI Ferrol e Durán Maquinaria Ensino xogaban en casa, pero o facían ante rivais de alto nivel que se levaron os triunfos.
As ferrolás competiron na Malata ante un Lointek Gernika Bizkaia que levou a batuta durante a meirande parte do encontro. Os esforzos das universitarias desde a liña de tres non foron suficiente para alcanzar ás visitantes, que co colchón de puntos acadado na primeira parte meteuse no peto a vitoria (62-79).
No duelo, a mellor das galegas foi Taylor Koenen, quen sumou 17 puntos de valoración despois dunha gran actuación, na que liderou o apartado anotador con 16 puntos, ademais de sumar catro rebotes e cinco asistencias.
O MVP foi para a ourensá Paula Ginzo, con 25 créditos valorativos despois de anotar 17 puntos, conseguir cinco rebotes e cinco asistencias.
Final en A Malata. Demasiado Gernika.
BAXI Ferrol 62
Lointek Gernika Bizkaia @Gkesb 79#LFEndesa #SienteElUni#humildadytrabajo pic.twitter.com/Kx3DM2N9YQ— Baxi Ferrol (@UniFerrol) March 5, 2022
En Lugo, o Ensino daba a benvida ao Perfumerías Avenida, o mellor equipo da categoría de ouro, que foi superior ás de Fernán Varela para levarse o partido (47-72).
As lucenses comezaron fortes o partido, tratando de ti a ti a un xigante como as salamantinas, pero as visitantes non tardaron en reaccionar, para inclinar a balanza ao seu favor. Na segunda parte, o Perfumerías sentenciou o partido.
A mellor xogadora do encontro foi Eva Hof, con 25 puntos de valoración. Entre as galegas, a máis destacada foi Helena Oma, con 9 créditos ao anotar 10 puntos.
Despois desta xornada, o Ensino é 12º con 30 puntos, mentres que o BAXI marcha 14º con 28.
