Coa primeira fase xa rematada, BAXI Ferrol e Celta Zorka Recalvi conseguiron o seu billete para a loita polo ascenso. As ferrolás quedaron líderes e invictas no grupo A, mentres que as viguesas acadaron no mesmo grupo un gran terceiro posto. Agora, tras o sorteo realizado pola FEB na mañá deste martes, xa coñecen aos seus rivais para a segunda fase.
As celestes formarán parte do Grupo 1, enfrontandose ao Barça CBS e ao Pacisa Alcobendas. Pola súa banda, as ferrolás o farán no Grupo 3 contra o UCAM Primafrío Jairis e Advisoria Maresme. Esta fase final terá lugar en Leganés no 8, 9 e 10 de abril, sendo as semifinais o día 11.
Os rivais do BAXI
O conxunto dirixido por Lino López é cabeza do Grupo 3. Dentro deste grupo, enfrontaranse ao UCAM Primafrío Jairis, terceiro clasificado do Grupo B. As murcianas remataron a primeira fase cun balance de 17 vitorias e nove derrotas, sumando un total de 43 puntos. Entre os seus puntos fortes están os tiros libres, cunha media de 64,8%, e os rebotes ofensivos, cun 10,5.
Nas filas do equipo murciano estará unha ex xogadora do BAXI, Marta Tudanca. A vasca formou parte do BAXI entre o 2008 e o 2011, para volver na tempada 2013/2014 e unha terceira vez na 2019/2020. A presente tempada a inicou da man do tamén galego Durán Maquinaria Ensino, para rescindir o seu contrato en novembro e pasar ao banco do Jairis. A letona Marta Miscenko tamén é coñecida en Ferrol, onde estivo duarnte media tempada no 2018/2019.
O plantel completo do UCAM Primafrío Jairis:
- Ester Aracil (23 valoración, 60 puntos)
- Starr Regina Breedlove (97 valoración, 112 puntos)
- Clitan Ivandra (305 valoración, 316 puntos)
- Laura Fernández (13 valoración, 10 puntos)
- María del Mar Fernández (119 valoración, 128 puntos)
- Geralynn Mariah (239 valoración, 237 puntos)
- Rut Marin (139 valoración, 151 puntos)
- Ángela Mataix (101 valoración, 105 puntos)
- Marta Miscenko (223 valoración, 223 puntos)
- Alejandra Sánchez (53 valoración, 109 puntos)
- Marta Tudanca (116 valoración, 171 puntos)
- Adestrador: Víctor José Verdu
Completa o grupo o Advisoría Maresme, cuarto clasificado do Grupo C, con 42 puntos en 16 vitorias e 10 derrotas. Un equipo tamén moi reboteador e o mellor do seu grupo desde a liña de tres, cunha media do 29,5% de acerto desde o triplo.
Tamén neste equipo o BAXI Ferrol reencontrarase cunha cara coñecida. A alero Mireia Vila formou parte do club galego entre o 2013 e o 2015.
O plantel do Advisoría Maresme:
- Marta Arbizu (153 valoración, 118 puntos)
- Laura Arias (23 valoración, 60 puntos)
- Blanca García (100 valoración, 139 puntos)
- Cristina Hurtado (192 valoración, 144 puntos)
- Olga Ruano (219 valoración, 259 puntos)
- Lara Sánchez (11 valoración, 36 puntos)
- Lucía Serrano (49 valoración, 53 puntos)
- Laura Soria (43 valoración, 90 puntos)
- Mireia Vila (286 valoración, 207 puntos)
- Sara Vujacic (138 valoración, 216 puntos)
- Adestrador: Jordi Vizcaíno
Os rivais do Celta
Pola súa banda, o Celta Zorka Recalvi queda enmarcado no Grupo 1 onde xogarán co Barça CBS como cabeza de grupo. As catalás son as líderes do Grupo C onde, como o BAXI Ferrol, non cederon puntos ao longo dunha tempada histórica cun pleno de vitorias.
No apartado estatístico, son o mellor equipo do Grupo C nos tiros de dous, cun acerto do 51,9%, e tamén o que máis balóns roba, cunha media de 13,8 por partido.
No banco catalán o Celta reencontrarase cunha ex xogadora, a viguesa Marta Canella, que xogou coas celestes entre o 2013 e o 2016. Outra xogadora con pasado galego é Itziar Llobet, que vestiu a camiseta do BAXI Ferrol entre o 2013 e o 2015. Por outra parte, Jessica Fequiere estará no punto de mira das celestes, xa que na primeira fase foi a máxima anotadora da categoría.
O plantel do Barça CBS:
- Regina Aguilar (62 valoración, 94 puntos)
- Marta Canella (331 valoración, 213 puntos)
- Beatrice Carta (123 valoración, 118 puntos)
- Jessica Fequiere (268 valoración, 253 puntos)
- Carolina Guerrero (291 valoración, 220 puntos)
- Itziar Llobet (141 valoración, 160 puntos)
- Ainhoa López (336 valoración, 299 puntos)
- Kristina Rakovic (316 valoración, 267 puntos)
- Iva Roglic (79 valoración, 46 puntos)
- Julia María Rueda (134 valoración, 125 puntos)
- Adestrador: Isaac Fernández
O segundo club do Grupo 1 é o Pacisa Alcobendas, que quedou na segunda posición do Grupo B na primeira fase. Cun balance de 17 vitorias e nove derrotas, as madrileñas sumaron 43 puntos. No seu xogo destaca o acerto anotador nos tiros de campo, cunha media do 45,5%, a segunda mellor do seu grupo só por detrás do líder, o Leganés.
Dentro das súas filas, non hai moitas individualidades e o Alcobendas caracterízase polo seu xogo coral. Mostra disto é Lucía Togores, a máxima asistente da categoría no grupo B. Tamén o vestiario madrileño ten acento galego. A xogadora Paloma Dorda é natural de A Coruña, e con pasado no Ensino, na tempada 2016/2017.
O plantel do Pacisa Alcobendas:
- Cecilia Aldecoa (14 valoración, 72 puntos)
- Paloma Alba (54 valoración, 70 puntos)
- Sara Francisco (62 valoración, 94 puntos)
- Lucía Gutierrez (6 valoración, 38 puntos)
- Laura Rachel (159 valoración, 179 puntos)
- Paula Justel (62 valoración, 94 puntos)
- Celia María Menéndez (286 valoración, 314 puntos)
- Carmen Sol Molina (97 valoración, 106 puntos)
- Clara Rodríguez (403 valoración, 281 puntos)
- Lucía Togores (368 valoración, 256 puntos)
- Daira Varas (354 valoración, 256 puntos)
