Non só hai a gran cita galega. O duelo que enfronta no pavillón de Navia na xornada 14 ao Celta e o Arxil este fin de semana. O inicio da segunda volta da competición tamén é para o Baxi Ferrol e o AD Cortegada.
As de Lino López e as de Rubén Domínguez rematan onde comezan a outra metade da liga. As ferrolás reciben en A Malata o HGB Ausarta Barakaldo E.S.T. No caso das de Vilargarcía, en Fontecarmoa, ao Patatas Hijolusa.
Na xornada 1, o Baxi case roza os 100 puntos ante as de Barakaldo
Este fin de semana (o sábado 18 de xaneiro, ás 19.00 horas), o Baxi Ferrol volve a xogar na súa casa. A Malata será a cita do HGB Ausarta Barakaldo E.S.T.
No partido que iniciou esta nova tempada (2019/20) da Liga Feminina 2, o conxunto ferrolá ganoulle as do País Vasco por 67 a 98. O que fixo que case rozaron o 100 no electrónico. A xogadora máis destaca polo plantel de Ferrol foi Macy Miller que fixo 28 puntos seguida de Geraldynn Leaupepe.
O Baxi comeza esta segunda etapa na terceira posición, aínda que está empatado a puntos cos equipos que o seguen (Pacisas Alcobendas, Sinergia Real Canoe N.C. e Laboratorios Ynsadiet Leganés). O ascenso está moi cerca para as de Ferrol se seguen na mesma liña que na primeira metade. As vascas sen embargo están maís abaixo.
Son décimas na táboa con 17 puntos debido a catro vitorias e nove derrotas. Están empatadas cunhas das nosas xogadoras, o A.D Cortegada. Levan unha racha negativa de dous partidos, sendo o último contra o Pacisas Alcobendas (88-66).
A pesar de ser do País Vasco manteñen relación con Galicia. No seu plantel xoga a eumesa Sara Cuiña. Saída das categorías base do Pontumio, a de Pontedeume foise a Lugo para seguir ligada ao baloncesto e podelo compaxinar cos estudos. No Durán Maquinaria Ensino estivo nas tempadas 12/13, 15/16, 16/17 e 17/18.
DATOS DE INTERESE
DÍA E HORA: 18 de xaneiro, ás 19.00 horas.
CAMPO: Pavillón de A Malata – Ferrol (A Coruña).
ÁRBITROS: Manuel Andrés Seijo Vázquez e Iris Díaz Feijoo.
INCIDENCIAS: Partido correspondente a xornada 14 da Liga Feminina 2.
Fontecarmoa recibe a outro rival forte, o Patatas Hijolusa
O A.D. Cortegada volve a ter un rival complicado, a simple vista, o sábado (18 de xaneiro, ás 19.30 horas). Reciben na súa pista o Patatas Hijolusa.
Ás de León están por riba das de Vilagarcía. Son oitavas con sete vitorias e seis derrotas. Pero, a favor da xogadoras de Rubén Domínguez, veñen de perder na xornada anterior ante o Sinergia Real Canoe N.C. por 75 a 57.
Por parte das arousás, na táboa son undécimas con catro partidos gañados e nove perdidos. O último, na casa, ante o Movistar Estudiantes. O líder da competición impúxose por un 40 a 72.
Ambos equipos xa saben como xogan cada un. No mes de outubro no pavillón de deportes de León, o conxunto adestrado por Beatriz Pacheco gañou ao Cortegada por unha diferenza de 39 puntos. A xogadora que lles fixo máis dano foi Andrea Boquete con 27 puntos e un 39 de valoracion.
Rubén Dominguez non contará con todas as súas xogadoras. Esta semana, en As Nosas anuncíabamos que Tyra Jones non iba a seguir formando parte do club de Pontevedra. A estadouninse non puido regresas das vacacións de nadal a Vilagarcía debido a problemas burocráticos polo visado.
DATOS DE INTERESE
DÍA E HORA: 18 de xaneiro, ás 19.30 horas.
CAMPO: Pavillón Municipal de Fontecarmoa – Vilagarcía de Arousa (Pontevedra)
ÁRBITROS: Pedro Coladas Lois e Daniel López Illán
INCIDENCIAS: Partido correspondente a xornada 14 da Liga Feminina 2.
