Parece que na fase de ascenso da Liga Feminina 2, o cadro galego vai a ter moi peso. O Baxi Ferrol acada a súa sexta vitoria consecutiva nesta segunda volta e o Celta Zorka Recalvi, unha terceira moi importante. O forno do CGTD intentou animar ao Arxil, pero Patatas Hijolusa saíu vitorioso de Pontevedra. Novamente, o Cortegada perde, esta vez en Fontecarmoa ante o Pacisa Alcobendas.
O cadro celeste acércase o play off
Vitoria importántisima para o Celta Zorka Recalvi ante o Ausarta Barakaldo na Liga Feminina 2. A pesar de comezar o partido moi igualado cun empate no electrónico, as de Cristina Cantero puxeron unha marcha por riba para ser superiores e conseguir que o partido quedara en Vigo.
O primeiro cuarto estivo marcado pola igualdade entre os contendentes, cun conxunto vasco máis centrado en busca da anotación nas súas posiciones interiores. As viguesas atopábanse erradas no lanzamento exterior —0 a 7 no parcial—. A igualdade no electrónico acaba cun parcial de 13 a 13 que mostraba o equilibro que existiu na pintura.
O cal se rompeu co segundo parcial con dúas protagonistas absolutas. Tras acadar ao Barakaldo por única ocasión a diantera no marcador (15-16), o conxunto vigués enlazou un primer parcial de 13 a 2 e outro posterior de 12 a 4 que esnachou co partido. En ambos, a dupla Celia – Richardson foi a protagonista do ataque celeste. Celia estivo de no doce desde os 6,75 metros e acabou con 25 puntos con cinco conversións. Breanna secundouna finalizando con 23 tantos e a inspiración das dúas serviu para que o Celta lograse colocar a primeira pedra da vitoria final chegando ao descanso cunha vitoria provisional: 39 a 24.
O terceiro parcial non cambiou a decoración e a seriedade defensiva das viguesas. Lograron manter as distancias disfrutando dun xogo máis coral no seu ataque mentres que a defensa mantiña o nivel. No intercambio de golpes das olívicas consolidaban as distancias, que nun parcial de 8 a 0 no ecuador do cuarto sepultou as poucas posibilidades que lle quedaban o equipo visitante.
No último apenas houbo historia. Tras o festival inicial de triplos en ambos lados, só era cuestión de tempo para que as celestes firmasen unha nova vitoria. Cantero incluso podo premiar as súas xogadoras máis destacadas coa ovación do público no momento de ser sustituídas e chegar ao final do partido coa vitoria celeste por un 80 a 59.
Aprenderon moi ben dos disgustos do pasado para encarrilar esta segunda volta e quedar máis preto do ascenso. Recordamos que na primeira volta chegaron a pista do Barakaldo invictas e perderon. Na xornada 19 visitan Vizcaia para enfrontarse ao GDKO Ibaizabal.
FICHA TÉCNICA
CELTA ZORKA RECALVI: Anne Senosiain, María Barneda, Elo Edeferioka, Breanna Richardson, Ainhoa Lacorzada —quinteto inicial—, Celia García, Iciar Germán, Noa Comesaña, Lucía Fontela, Ángela Coello e Sara Vidal.
HGB AUSARTA BARAKALDO EST: Sara Cuiña, Araia Peña, Patricia Soler, Marta Pérez, Adedayo Olabode —quinteto inicial—, Geraldynn Leaupepe, Irene Mata, Ane Larrinaga, Beatriz Torres, Gnere Dembele e Catalina Abuyeres.
PARCIAIS: 13-13/ 26-11/ 18-13/ 23-22 (80-59)
ÁRBITROS: Elio Claveria Sánchez e Iris Díaz Feijoo.
INCIDENCIAS: Partido correspondente a xornada 8 da Liga Feminina 2 no que enfrontou ao Celta Zorka Recalvi contra o HGB Ausarta Barakaldo E.S.T. no Pavillón de Navia en Vigo.
O Arxil perde na casa ante o Patatas Hijolusa
Non poido ser. O Arxil cae no CGTD ante o Patatas Hijolusa por un 50 a 75. As xogadoras pontevedresas non estiveron moi acertadas e os seus erros beneficiaron ao cadro leonés que adiantounas no electrónico en varias ocasións. As de Maite Méndez conseguiron impoñense no terceiro cuarto por un 16 a 12 pero non foi suficiente para encarrilar a remontada.
A vindeira semana teñen unha viaxe longa. Iran ata Gipúzkoa para xogar no Polideportivo Municipal de Azpeitia contra ó Añares Rioja.
FICHA TÉCNICA
C.B. ARXIL: Carla Fernández, María Rosendal, María Lago, Cristina Díaz-Pache, Heather Foster—quinteto inicial—, Violeta Crespo, Aldara Vázquez, Adriana Aparicio, Noa Casalderrey, Margarita Moreira e Johanna Puchetti.
PATATAS HIJOLUSA: Laura Fernández, Andrea Boquete, Julieta Mungo, Yaiza Lazaro, Patricia Benet —quinteto inicial—, Eva Cases e Elisa Martínez.
PARCIAIS: 14-20/ 4-17/ 16-12/ 16-26 (50-75).
ÁRBITROS: Roi Rilo Antelo e Manuel Andrés Seijo Vázquez.
INCIDENCIAS: Partido correspondente a xornada 18 da Liga Feminina 2 no que enfrontou ao C.B. Arxil contra o Patatas Hijolusa no Pavillón do CGTD en Pontevedra.
O Cortegada cae ante o Pacisa Alcobendas
Era un reto complicado. As xogadoras do A.D. Cortegada recibía en Fontecarmoa a un Pacisa Alcobendas que necesitaba sumar para afastarse do Sinergia Canoe co que estaba empatado na táboa. Desde o principio estaba moi claro que as madrileñas iban a saír a por todas. No primeiro tempo as locais non llo puxeron nada doado e tan só se foron catro a riba. Pero antes do descanso xa quixeron deixar decantada a vitoria. Tralo tempo de lecer as locais endosaron un 14 a 9 para intentar reducir a vantaxe que tiña o Alcobendas, que aumentaría no cuarto tempo.
FICHA TÉCNICA
A.D. CORTEGADA: Patricia Vicente, Cristina Loureiro, Miriam García, María González, Branka Lukovic —quinteto inicial—, Andrea Rios, Nuria Choren, Lorena Castro, Zeltia Presas, Antía Varela e Irene Montenegro.
PACISA ALCOBENDAS: Laura Howard, Lucía Togores, Paula Justel, Clara Rodríguez, Kiara Kudron —quinteto inicial—, Sara Francisco, Lucía Gutierrez, Carmen Molina, Daira Varas e Cecilia Aldecoa.
PARCIAIS: 12-16/ 10-22/ 14-9/ 8-20 (45-67).
ÁRBITROS: Pedro Coladas Lois e Andrés Esteban Domínguez.
INCIDENCIAS: Partido correspondente a xornada 18 da Liga Feminina 2 no que enfrontarou ao A.D. Cortegada contra o Pacisa Alcobendas no Pavillón Municipal de Fontecarmoa en Vilagarcía de Arousa.
Sexta vitoria consecutiva do Baxi en Madrid
Volvéronno a facer. O Baxi Ferrol suma unha segunda volta de escándalo con seis vitorias consecutivas. As xogadoras ferrolás están imparables, a pesar de que esta semana tiñan unha cita complicada. Viaxaban ata Madrid para enfrontarse ao Sinergia Canoe. Pista na cal impuxéronse por un 56 a 84. Levan días semanas gañando por electrónicos moi contundentes.
Lino López saía na capital repetindo quinteto con Patri Cabrera, Macy Miller, Maria Aijanen, Marta Tudanca e Jenna Allen. As locais entraron moi fortes e parecía que o factor cancha facía dano porque leváronse o parcial cun 18 a 17. Pero as da cidade departamental cambiaron o chic e comezou a remontada. Novamente Marta Tudanca sobresaíuse con 20 puntos, o que lle fixo ter un 30 de valoración.
A semana que ven regresan a Malata para disputar o primeiro duelo galego da segunda volta. Recibirán o domingo —23 de febreiro— ao A.D. Cortegada. As ferrolás seguen na segunda praza.
FICHA TÉCNICA
REAL SINERGIA CANOE N.C.: Lucía Rodríguez, Rocío Torcal, Emilia Ferreira, Esther Díaz, Macarena Roldan —quinteto inicial—, Sandra Leal, Irene de Gregorio, Raquel García, Paula Santolaya, Irene Baeza e Laura Prats.
BAXI FERROL: Patri Cabrera, Macy Miller, Maria Aijanen, Marta Tudanca, Jenna Allen —quinteto inicial—, Geraldynn Leaupepe, María Torreblanca, Tamara Kapor, Natalia Rodríguez e Sune Swart.
PARCIAIS: 18-17/ 14-20/ 13-23/ 11-24 (56-84).
ÁRBITROS: Alejandro Calvo Aceña e Daniel Hazas Velasco.
INCIDENCIAS: Partido correspondente a xornada 18 da Liga Feminina 2 no que enfrontou ao Sinergia Real Canoe N.C. contra o Baxi Ferrol no Real Canoe N.C.
