O BAXI Ferrol disputa mañá, domingo 7 de febreiro ás 12.30 horas no pavillón de Lasesarre, o encontro da decimonovena xornada da liga Feminina 2 ante o Ausarta Barakaldo. Na mente das galegas non pode haber outra idea que seguir a súa senda de trunfos e sumar unha nova xornada máis invictas neste Grupo A da Liga Feminina 2. Ao frente da tábao e intratables, as de Lino López avanzan con paso firme cara a seguinte fase competitiva.
Trátase dun partido esixente, xa que o conxunto ferrolán acudirá a esta cita minguado de efectivos. Por unha banda, non estará co equipo a finlandesa Anniina Aijanen, que está coa súa selección en Portugal e, por outro, a arxentina Julieta Mungo, que levou un golpe nun adestramento esta semana e sofre unha edema óseo no xeonllo, polo que tampouco se despraza co equipo.
Esas baixas, unidas ao potencial do rival e ao gran potencial físico que atesouran as súas xogadoras, servirá como unha boa proba para que o equipo ferrolán demostre que pode gañar sen dous das súas xogadoras interiores.
Lino López destaca que “non variaremos moito a forma de xogar e veremos diferentes opcións en ataque e en defensa temos que ter moitas axudas sobre todo no xogo interior”
En fronte, o cadro ferrolán vaise a atopar cun rival que está na zona media da táboa da LF2 e do que Lino López comenta que “as últimas derrotas ante MagecTías Contra a Violecia de Xénero e Ardoi deixáronlles fóra da pelexa polos primeiros postos, pero é un equipo moi físico, cun persoal amplo e obrigaranos aínda máis a traballar en equipo se queremos conseguir a vitoria”. Actualmente son terceiras con cinco vitorias e outros tantos puntos menos que as galegas. En medio o Osés Construcción Ardoi ante o que caían derrotadas a pasada fin de semana.
Lino López tamén engade que “nós expómonos cada partido como unha final e esta é unha boa ocasión para ver o que somos capaces de facer sen dúas xogadoras interiores”.
Como sinalabamos previamente, o Ausarta Barakaldo recibe ao BAXI Ferrol logo de perder a domicilio co Osés Construcción Ardoi. A derrota aconteceu cun marcador de 57-47, dez puntos de vantaxe para a Fundación Navarra de Baloncesto Ardoi.
Un mes moi galego para as de Barakaldo
O rival do BAXI Ferrol afronta un mes no que Galicia será o seu rival por definición. Se esta fin de semana se enfrontan ás ferrolás as súas seguintes contrincantes serán, por esta orde: Maristas Coruña, Celta Zorka Recalvi e Ulla Oil Rosalía Fedesa. Catro fines de semana e catro equipos galegos enfronte en cada quenda para o Ausarta Barakaldo. As visitas serán á Coruña e Compostela. Tanto ferrolás como viguesas deberán acudir ao pavillón de Lasesarre de Barakaldo.
Hola Febrero 👋
Nuestro mes… 🆚 GALICIA
Domingo 7 @UniFerrol 🏠
Sábado 13 @MaristasCoruna ✈️
Domingo 21 @Celtabaloncesto 🏠
Sábado 27 @RosaliaFEDESA ✈️#elsueñocontinúa pic.twitter.com/ECKuTXuXpa— HGB AUSARTA BARAKALDO (@BARAKALDO__EST) February 1, 2021
