Un nome soa forte no balonmán coruñés desde as últimas semanas. Trátase do Balonmán Brigantium, un club que no vindeiro curso sacará equipo para competir na categoría sénior autonómica e que, suporá na cidade herculina o relevo simbólico a un referente desta disciplina na cidade: o Balonmano Coruña. Así, as máximas representantes do balonmán feminino na Coruña será o próximo curso estas xogadoras que visten de morado e queren, simplemente, gozar co deporte.
Cunha curta historia de tres anos, o conxunto que conta con Dani Angériz como director deportivo, ten unha filosofía clara: ser un espazo para que as mulleres poidan desfrutar e competir neste deporte a todos os niveis. “O obxectivo do club era ofrecer un lugar ás mulleres. Os homes teñen moitas máis opcións”, declara o director.
O BM Brigantium, un equipo polo balonmán feminino
O Balonmán Brigantium naceu na tempada 2018/2019 coa intención de ofrecer un equipo no que quedarse a xogadoras que quixeran seguir competindo unha vez chegado á idade adulta. A meta deste club é de estrutura, por iso Angériz déixao claro: “non traballamos cos mozos”.
En palabras do director, “de nada sirve traballar con moitas xogadoras, educalas, inverter tempo e esforzo e desenrolo das xogadoras, para que logo cheguen aos 18 anos e non teñan lugar para xogar”. Desta forma, no BM Brigantium está na busca constante de alternativas para que todas as xogadoras teñen sempre un lugar no que xogar.
Dani Angériz, director deportivo do Balonmán Brigantium: “Non é intención de gañar todas as copas e competir e demais, senón que a xogadora vexa premiado o seu esforzo”
“Non é intención de gañar todas as copas e competir e demais, senón que a xogadora vexa premiado o seu esforzo de adestrar e esforzarse no adestramento. A partir de aí, independentemente do nivel, xogará”, afirma Dani Angériz. Pero os títulos tamén chegan ao club, que gañou un no seu primeiro ano, proclamándose campión de Segunda División cadete.
Abandeirar o deporte feminino é a principal seña de identidade dun club que mostra literalmente as súas cores. O escudo, que recorda ao símbolo feminino, e a cor morada, do feminismo, representan ao Balonmán Brigantium.
Desde o seu inicio, o equipo coruñés ten claro que non formará equipos mixtos. Segundo explica o propio Dani Angériz, no caso dos clubs con poucos recursos como sucede no Balonmán Brigantium, estes adoitan ir aos conxuntos do xénero que máis fichas teña. E no balonmán, por cada dúas ou tres fichas masculinas só hai unha feminina.
No balonmán, por cada dúas ou tres fichas masculinas só hai unha feminina
“Salvo casos extraordinarios como o Porriño, o resto dos clubs dan recursos a onde teñen máis fichas, que é o masculino e nós non queríamos que ocorrera. Non temos chicos nin imos ter”, conclúe.
Porén, irmáns, amigos e familiares das xogadoras adoitan preguntar por se teñen un oco no club herculino e neste rediríxenlles a outros clubs onde poden xogar.
O balonmán na cidade herculina
Un destes conxuntos é o OAR, referente do balonmán coruñés. O seu primeiro equipo é exclusivamente masculino, pero algunhas leonas que conforman agora o cadro sénior do Balonmán Brigantium deron os seus primeiros pasos aí. Tamén ten un vínculo estreito o propio Dani Angériz, que foi xogador do OAR durante dez anos e adestrador durante outros dous.
Dani Angériz, ex xogador do OAR explica que hai boa relación con ese club coruñés co que comparten espazo de adestramento: “Cada un ten o seu horario e cada un traballa da súa maneira, eles mozos, nós mozas”
A relación entre ambos clubs herculinos chega ata o punto de compartir espazo, xa que ambos equipos coinciden para adestrar no mesmo pavillón algúns días da semana. “Cada un ten o seu horario e cada un traballa da súa maneira, eles mozos, nós mozas, e non hai ningún problema”, declara o director deportivo.
As técnicas de captación do club coruñés
Con clubs como o OAR e o xa desaparecido Balonmano Coruña, a cidade herculina conta xa con interese e afección polo deporte.
No caso do Balonmán Brigantium, a clave para difundir os seus partidos e logros está no “boca a boca”. O ambiente que se respira dentro e fóra dos vestiarios do equipo galego non pode ser mellor, o que atrae a achegados das xogadors e outros afeccionados.
Dani Angériz: “As xogadoras melloran día a día e están felices, que é o importante”
Outro dos atractivos, segundo apunta Dani Angériz, está en que “as xogadoras melloran día a día e están felices, que é o importante. A xente que ven a velo queda contenta e de aí ven a publicidade que temos. Non saímos en xornais porque aínda tiñamos un equipo de base”.
E no relativo á captación de futuras promesas do balonmán, no Balonmán Brigantium acuden, ou solían facelo antes da pandemia, aos colexios. Cada curso, Dani Angériz e outros representantes do club acudían ás aulas de educación física para adicar unhas horas a dar unha clase de balonmán. “Explicabamos as normas e as condicións e os nenos aprendían e probaban o deporte. Todo aquel ao que lle gustara podía vir a probar e a verdade é que houbo éxito”, recorda o director deportivo.
A última vez que pudieron facelo foi no comezo da tempada 2019/2020, cando o propio Dani Angériz deu clase a preto de 600 nenos e nenas de entre 2º e 6º de primaria. Agora, con esta iniciativa freada pola COVID-19, as novas xogadoras que entran no club son maiores, de 6º de primaria e 1º da ESO, na idade na que aumenta o interese por probar cousas novas.
O Balonmán Brigantium segue medrando tempada a tempada, cumprindo obxectivos cada vez máis ambiciosos. Actualmente contan xa cunhas 45 fichas, pero coa creación do conxunto sénior agardan chegar ás 55. “Logo estamos pendentes de volver aos colexios para coller esa base benxamin e alevín, que poderían ser moitas, pero estamos á espera”, sinala o director deportivo.
