Tras un mes de confinamento, o Club Balonmán Porriño continúa traballando co fin de manter o ritmo de traballo e para que a posible volta sexa o máis sinxela posible.
Ana Alonso, preparadora física do club, continúa planificando os adestramentos a distancia para os equipos do División de Honra Liga Iberdrola, División de Honra Prata e para a base feminina. O principal obxectivo do traballo é manter os niveis de condición física adecuados para unha posible volta á competición e tamén que o equipo manténgase cohesionado pese ao distanciamento social. Ana considera que se está facendo ben o traballo e que se ve motivada á xente.
Varias xogadoras do club falaron sobre a súa participación nas actividades proposta pola súa preparadora físca. Elas comentan que as sensacións están a ser moi boas, a pesar da situación:
Gran resposta desde o club
O primeiro equipo, o Conservas Orbe Balonmán Porriño, está a ser moi constante no seu traballo e a súa capitá, Sarai Samartín explicou como está a ser o traballo: “Creo que o traballo físico é excelente. O club preocupouse por facernos chegar o material e que todo o mundo conte con algo co que poder traballar”.
Samartín sinala o gran traballo que está a realizar Ana coa preparación dos exercicios físicos: “Con Ana estamos a realizar un gran labor. A parte das sesións de forza, tamén nos conectamos por videollamada para levar acabo traballo aeróbico. Deste xeito, mantémonos unidas e en contacto que é algo moi importante”.
Sarai Samartín, xogadora e capitá do Conservas Orbe Balonmán Porriño: “Creo que o traballo físico é excelente. Con Ana estamos a realizar un gran labor. A parte das sesións de forza, tamén nos conectamos por videollamada para levar acabo traballo aeróbico”.
Preocupación pola situación e futuro da Liga
Ademais, Sarai mostrou a preocupación do plantel polo futuro incerto da competición e de como están os ánimos no equipo: “Algo que nos preocupa a todas e todos é a situación na que nos atopamos na Liga. Esperamos que a federación tome unha decisión respecto a a competición e o como nos pode afectar”.
Sarai Samartín, xogadora e capitá do Conservas Orbe Balonmán Porriño:“Algo que nos preocupa a todas e todos é a situación na que nos atopamos na Liga. Esperamos que a federación tome unha decisión respecto a a competición e o como nos pode afectar”.
Confianza en chegar cun bo ritmo ante unha posible volta na División de Prata
Doutra banda, o equipo de División de Honra Prata tamén está a traballar. Laura Barros, integrante do grupo, recalca o ben que está a responder o equipo e a gran participación que hai, tamén nos conta “Os adestramentos conxuntos por videollamada fannos un pouco mais amenos os días”.
Laura Barros, xogadora do Rubensa Porriño: “Os adestramentos conxuntos por videollamada fannos un pouco mais amenos os días”.
Laura cre que todo o que se está facendo estas semanas axudaralles a chegar cun bo ritmo á volta da competición e fala do gran traballo da preparadora física: “Ana está a levalo super ben, achega moitas ideas para suplir a falta de material, está a axudar moito, xa que case ningunha ten o material adecuado para un traballo de forza normal”.
Laura Barros, xogadora do Rubensa Porriño: “Ana está a levalo super ben, achega moitas ideas para suplir a falta de material, está a axudar moito, xa que case ningunha ten o material adecuado para un traballo de forza normal”.
Por último, a base feminina do club tamén está a participar nestes exercicios e un exemplo é o equipo xuvenil. Nerea Gómez recoñeceu a súa experiencia durante este confinamento: “O traballo a distancia creo que se está levando o mellor posible e nesta situación difícil axúdanos a desconectar coa rutina”.
Nerea Gómez, xogadora do equipo xuvenil: “O traballo a distancia creo que se está levando o mellor posible e nesta situación difícil axúdanos a desconectar coa rutina”.
A xogadora da base falou de que “o traballo é variado, desde exercicios de forza diferente cada semana, e logo por videollamada exercicios de cardio. É un traballo moi variado e que se pode facer desde casa.”
