Durante oito tempadas Pilar Valero defendeu a elástica celeste. Hoxe, o Celta Zorka Recalvi comunicaba con dor o pasamento da histórica xogadora celeste que tamén exerceu de adestradora no club vigués no tempo do Celta Bosco Banco Simeón e no do Vigourban. Co Celta Baloncesto acadou dúas Ligas e unha Copa da Raíña.
A deportista maña Pilar Valero finaba na súa Zaragoza natal aos 52 anos. No baloncesto aragonés tamén hai un fondo pesar que se estende ao resto do basket feminino estatal xa que xogou en diferentes clubs, ademais de ter sido xogadora internacional coa Selección Española de baloncesto feminino. Tal e como se pode ver botando unha ollada ás mensaxes que se atopan nesta xornada nas redes sociais ao respecto da súa figura e co gallo do seu pasamento, Pilar Valero e deixou unha fonda pegada persoal e profesional por alí por onde a pelota e a vida a levou.
🖤 Pilar Valero faleceu aos 52 anos 🖤
🏆 Xogou co @Celtabaloncesto, co que conquistou 2 títulos ligueiros e 1 de copa 🥇
🥇Participou na 1ª medalla de ouro do baloncesto feminino español, no Europeo de 1993
📺 Vémola anotando e paseando en Samil tras lograr a liga 1998-99 pic.twitter.com/uDexO5nIbo
— En Xogo tvG2 (@EnXogo_tvG2) November 7, 2022
Valero defendeu a camiseta do Celta Baloncesto en dúas etapas deportivas sumando un total de oito tempadas como xogadora celeste. Na segunda quenda, a deportista elixiu Vigo para retirarse das canchas, pero non deixou o baloncesto, nin ao Celta. Sumouse ao corpo técnico do club que comandaba Miguel Méndez.
Pilar Valero formou parte da Selección Española que acadou o Eurobasket do 93
Como indicabamos previamente, na súa traxectoria deportiva figuran máis clubs que o Celta Baloncesto. Iniciou a súa andaina no baloncesto na canteira do Banco Zaragozano, militou en entidades deportivas como o Pool Getafe ou o Dorna Godella de Valencia, tamén no CB Islas Canarias de Gran Canaria .
No palmarés deportivo de Pilar Valero constan sete Ligas, cinco Copas da Raíña, unha Euroliga e un Eurobasket, o primeiro ouro do baloncesto feminino español (1993). Foi, sen dúbida, unha xogadora histórica.
🔷Nombres propios de nuestra historia🔷
215 partidos con la camiseta céltica. Un palmarés brillante con siete ligas, cinco copas, una Euroliga y un Eurobasket.
Pero sobre todo, su alegría y calidad humana.💙🏀La huella de Pilar Valero!!#memoriaceleste pic.twitter.com/euYx0BLIYD
— CELTA BALONCESTO 💙 (@Celtabaloncesto) May 18, 2020
Desde a entidade galega lamentan a súa morte e trasladaban un pésame a través das súas redes sociais e cualifican a Valero como “historia do noso club. Persoa e xogadora extraordinaria”, ademais de asegurar que “o seu recordo será eterno para quen a tivo coñecido. Xamáis a esqueceremos. DEP”:
Nos ha dejado Pilar Valero. Historia de nuestro club. Persona y jugadora extraordinaria. Su recuerdo será eterno para quienes la conocieron.
Jamás la olvidaremos
DEP 🌷 pic.twitter.com/CrjmW8h2q2— CELTA BALONCESTO 💙 (@Celtabaloncesto) November 7, 2022
Pilar Valero foi internacional con España en máis dun cento de ocasións. A Federación Española de Baloncesto sumouse tamén as condolencias polo seu pasamento.
La #FEB expresa sus condolencias por el fallecimiento de la ex internacional Pilar Valero.#DEP #SomosEquipo pic.twitter.com/QUypViJPck
— Baloncesto España (@BaloncestoESP) November 7, 2022
Entre as numerosas persoas e entidades que se sumaron nas redes sociais ás condolencias polo pasamento de Pilar Valero están a actual adestradora do Celta Zorka Recalvi, Cristina Cantero, e o xogador internacional galego Fernando Romay.
Se nos ha ido Pilar Valero, se nos fue una gran sonrisa, una gran persona.
Descansa en Paz 💙. pic.twitter.com/SAFKHYxUi1— Cristina Cantero (@Canteroostos) November 7, 2022
#DEP Pilar Valero tu espíritu de lucha es ejemplo para todos Mi más sentido pésame para todos familiares compañeras y amigos #LaFamilia #Baloncesto pic.twitter.com/5ZhUlsK0Tr
— fernandoromay (@fernandoromay1) November 7, 2022