Tres visitas en casa e dúas saída para o equipos galegos de División de Honra Prata de Balonmán Feminino, que xogarán todos os seus partidos o sábado.
O AD Carballal xoga contra o Balonmano Salud Tenerife o sábado 17 ás 18.00 horas na pista central do Pavillón das Travesas, tras perder na pasada xornada contra o Valladolid por 34 – 27.
Á mesma hora, o CDEC Lavadores Vigo recibe ao HBC’74 Avia Ien no Pavillón Municipal de Lavadores. Buscará conseguir a vitoria tras perder por só dous puntos contra o Balomano Gijón o anterior domingo.
Precisamente será o equipo asturiano quen visite ao Asmubal Meaño no Pavillón de Coirón ás 19.00 horas. O conxunto pontevedrés intentará mellorar o resultado da pasada xornada, na que caeu derrotado por 40 – 18.
O Sar Rodavigo, que tampocou disputou o seu partido da pasada xornada tras detectarse varios positivos no Rodriguez Cleba, viaxará ata Pola de Seiro onde xogará ás 18.30 horas no Nuevo Polideportivo Municipal contra o Siero Deportivo.
Por último, Rubensa Bm Porriño visita ao Oviedo Balonmano Femenino ás 20.30 horas no Polideportivo Municipal Florida Arena, despois de non poder xogar o seu anterior partido ante o Palencia Turismo por positivos no plantel no conxunto castelá-leoonés.
