Vigo foi escenario a pada fin de semana da disputa do Campionato Xunta de Galicia de clubs Sub-20 e Sub-16 na que se xuntaron un total de trinta e dous equipos na disputa deste encontro, segundo informa a Federación Galega de Atletismo.
Como era de agardar, emoción e incertidume non faltaron nuhas pistas de Balaídos que viron como na categoría Sub-20, desenvolta na xornada da mañá, daba o triunfo ao equipo local do Real Club Celta cunha puntuación total de 124 puntos. Deste modo o equipo celeste reeditaba o título logrado o ano pasado en homes, nun encontro no que a Sociedad Gimnástica ocupada o segundo posto da clasificación con 111 puntos, e o Atletismo Santiago o terceiro con 107 p.
Celta Feminino, campión Sub-20
Nas mulleres a actual gañadora, a Sociedad Gimnástica de Pontevedra, cedía o título ao Celta Feminino quen lograba unha suma total total de 116 puntos polos 102 do Lucus Caixa Rural Galega, segundo clasificado, e os 94 puntos do Ourense Atletismo quen ocupaba o terceiro posto do podio.
Na categoría Sub-16 desenvolta na xornada de tarde, a incertidume acompañou ata o último instante xa que unha reclamación presentada ao remate, cambiaba os postos finais de podio, dando a primeira posición ás mulleres ao Atletismo Narón que de igual modo retiña o título cun total de 107 puntos. Xunto ao conxunto naronés estiveron as ourensáns do C.D. La Purísima con 94 puntos e a Sociedad Gimnástica con 90 puntos.
A categoría masculina estivo tremendamente disputada con triunfo final para o conxunto pontevedrés da Sociedad Gimnástica logo de sumar un total de 110 puntos. Cinco puntos menos foron os que acadou o Real Club Celta que lograba o subcampionato, situándose a un punto dos celestes e na segunda posición, o conxunto coruñés do Marineda Atlético.
