A Real Federación Española de Fútbol (RFEF) supera xa os cinco millóns de euros en axudas a desprazamentos para clubs só nesta tempada, despois da publicación dunha nova convocatoria destinada a diferentes categorías non profesionais e de ámbito estatal nas que están incluídos diferentes clubs femininos galegos. “A contía económica para este concepto poderá alcanzar os 750.000 euros para esta temporada 2022-2023”, segundo asegura a RFEF.
Se repasamos os equipos feminos galegos que militan nesas categorías atopamos os seguintes:
Cinco clubs galegos militarán no curso 2022-23 na Primeira División Feminina de Fútbol Sala:
- Pescados Rubén Burela
- Poio Pescamar
- ENCE Marín Futsal
- Ourense Envialia
- Viaxes Amarelle
Sete equipos de Galicia militarán na Segunda División Feminina de Fútbol Sala na tempada 2022-23:
- Bembrive
- Ourense C.F. Envialia “B”
- A Fervenza FS
- Cidade Das Burga GLS
- F.S.F. O Castro
- Valdetires Ferrol F.S.F.
- 5 Coruña F.S.
Seis equipos galegos estarán xogando no curso 2022-23 na Primeira División Nacional de Fútbol Feminino:
- Victoria CF
- R.C. Deportivo De La Coruña SAD “B”
- Victoria FC
- UD Mos
- Umia F.C.
- Lóstrego Club De Fútbol
Segundo recolle a convocatoria “os criterios específicos de distribución para as respectivas categorías determinánse polos seguintes baremos”:
- Tramo 1. De 0 a 2.500km. Máximo 2.000€
- Tramo 2. De 2.501 a 5.000 km. Máximo 2.800€
- Tramo 3. De 5.001 a 7.500 km. Máximo 3.800€
- Tramo 4. De 7.500 10.000 km. Máximo 5.000€
- Tramo 5. De 10.001 a 12.500 km. Máximo 6.250€
- Tramo 6. De 12.501 a 15.000 km. Máximo 7.500€
- Tramo 7. Más de 15.000 km. Máximo 9.000€
Tamén se explica na convocatoria que “aos efectos do cómputo de quilómetros de cada equipo só se computarán aqueles desprazamentos que entre o lugar de orixe e o de destino haxa un mínimo de 25 km. Para o cálculo dos quilómetros sumaranse os desprazamentos para as competicións regulares, fases finais e participación en competicións tipo torneo”.
Axudas da RFEF tamén para os aloxamentos
Segundo explica a RFGF os clubs tamén poden solicitar as axudas para aloxamentos nas categorías de Segunda B Fútbol Sala, División de Honra Xuvenil de Fútbol Sala, Primeira División Nacional Fútbol Feminino e Segunda División Fútbol Sala Feminino para cando entre a cidade de orixe e a de destino hai máis de 550 quilómetros (non se aplica en extrapeninsulares).
Explícase nas bases que as “axudas para aloxamento estarán suxeitas a reglas específicas”, como que se concederá un máximo de “640€ a aqueles equipos que deban disputar un encuentro a unha distancia superior de 550km desde a cidade de orixen e a cidade de disputa do encontro e que efectivamente tiveran que durmir na outra localidade ou no traxecto. Nas competicións tipo torneo axuda será por día dos que deban permanecer na competición”.
Todos estes recursos proveñen dos fondos propios da Real Federación Española de Fútbol, de ingresos derivados de dereitos audiovisuais con destino ao fútbol afeccionado e de fondos achegados por outras institucións, nos supostos que así se prevexa nos respectivos convenios ou acordos subscritos coa propia RFEF.
As solicitudes para optar a estas axudas deberán presentarse mediante solicitude no Portal do Club do Programa FENIX da RFEF ata as 18:00 (hora peninsular española) do próximo venres 30 de setembro.
CONSULTA AQUÍ A CONVOCATORIA DE AXUDAS A DESPRAZAMENTOS E ALOXAMENTOS DA RFEF
