Continuando esta fin de semana ca axenda de campionatos, o Concello de A Pobra do Caramiñal preparase para recibir este domingo 2 de febreiro ás/ós máster na disputa do seu autonómico de campo a través.
Ata alí achegaranse preto de 300 atletas procedentes de todas as Delegacións que tomarán a saída a partir das 11.30 horas do Circuíto da Praia de Cabio, sobre cada unha das distintas categorías correspondentes e que van dende maiores de 35 ata os maiores de 70.
Entre as/os inscritas/os estarán presentes as/os gañadoras/es do ano pasado, Juan Gude do LUCUS e Ana María Alonso do Beade na máster 40; Inés Papín do C.A. Sada na máster 45; Samuel José Veiga e Xosé Lois Otero do Universidad de Santiago na máster 50 e 65 respectivamente; José Fernando Sáinz do C.A.Sar na máster 70 e por último a do incombustible Antonio Cabana do Egobarros que ben ca intención de defender o título logrado o ano pasado e que ademáis o convirten no participante con máis idade de todos cantos saltarán ó circuito.
Ana Abuin, José Canda, Jose Antonio Abuin, Elena Miguéns, Xabier Díaz, José Luis Bouza, Nemesio Gutiérrez e Domingo Alvarez, serán atletas ós que haberá que ter moi en conta de cara a clasificación individual nas súas respectivas categorías.
A maiores a presenza da internacional premiada en multitude de campionatos Soledad Castro do Comesaña, dará máis calidade e emoción a esta importante cita.
HORARIOS
– 11.30 horas Máster 35 mulleres en adiante 5.500 m.
– 12.10 horas Máster 35 e 40 homes 5.500 m.
– 13.00 horas Máster 45 homes en adiante 5.500 m.
Podes consultar todas as NORMAS TÉCNICAS DO CAMPIONATO nesta ligazón.
