O sábado será o día onde as nosas e os nosos Sub16 acudan a Expourense a tomar parte no seu Campionato de Galicia de pista cuberta á que acude un nutrido e importante número de atletas achegados de todos os recunchos da nosa comunidade. Haberá participantes de clubs como Lucus Caixa Rural, ADAS Proinor, La Mochila del Deporte Ría de Ferrol, Val Miñor, Millaraio, AVA, Atletismo Narón, A Silvia ou Atletismo Ourense, entre doutros.
Na relación de inscritas e inscritos neste Campionato de Galicia de pista cuberta destaca a participación nos 60 metros lisos na categoría femenina é Antía Pernas do Lucus Caixa Rural, quen amosa o mellor rexistro das participantes. Nesta distancia vai competir tamén a atleta da Estrada Arauia Al Bachere. Tamén nesa proba é salientable o concurso tanto de José Novoas do ADAS Proinor como de Martín Vázquez do Lucus Caixa Rural quenes acuden ca mellor marca dos participantes de 7.54 e 7.66 respectivamente.
Aumentando a distancia até os 300 metros, nas mulleres o papel de favorita será para Alicia Barreira, atleta do club Ría Ferrol, quen terá na estradense Arauia Al Bachere a unha dura opoñente na pista.
De igual modo disputada será tamén na categoría masculina os 300 m. onde toman parte tanto Javier Trillo do Ourense Atletismo con 37.14 como e Fabian Vidal do Barbanza con 37.47.
Nos concursos de atletismo, Nayr Cortegoso do Val Miñor na lonxitude podería chegar a barreira dos 5 m. da que a separan tan só tres centímetros. Sobre esa distancia sitúanse na categoría masculina Andrés López do Lucus Caixa Rural Galega con 5.24 e Alejandro Jiménez do Millaraio con 5.07 m.
Concursos de triplo salto, altura, lanzamentos e pértega
O triplo salto será un concurso que se prevé que ha estar un pouco máis aberto na súa en ambas categorías. No que atinxe á feminina, Julia Parcero do club A Silva e Priscila Sánchez que defende a disciplina do Universidade de Santiago, están separadas por apenas un centímetro nas súas respectivas marcas. Polo que a loita por chegar o máis lonxe posible na area parece estar entre delas moi axustada.
Nos homes a igualdade é ainda maior xa que tanto Andrés López do Lucus Caixa Rural Galega como Lucas Dagnec do Millaraio comparten a mesma marca de 10.87 m.
En pértega Lisa Vosberg do AVA con 3.22 e Javier Malingre do Ourense Atletismo con 3.30, lideran ampliamente este concurso ao igual que en altura o fan Noel Ferraces do Millaraio con 1.55 m. e Aldara Basteiro do ADAS Proinor con 1.52 m.
A ausencia de Adriana Rial dos valos da unha lixeira ventaxa a Marina Pérez da Gimnástica quen acredita 10.42. Nos homes será Martín Vázquez do Lucus Caixa Rural o atleta a batir sobre esta distancia..
Por último nos lanzamentos, Gema Dacosta do Vila de Cangas con 11.27 m. e Brais Díaz da Atlética Lucense con 11.94 m. parten en principio como favoritos ao título galego grazas aos seus mellores rexistros.
Campionato de Galicia de Probas Combinadas
Durante a fin de semana, en xornadas de sábado e domingo, tamén en Expourense, se estará disputando o Campionato de Galicia de probas combinadas.
Segundo informa a Federación Galega de Atletismo, na categoría Sub16, tomarán parte as tres medallistas do galego de aire libre do ano pasado e onde Marta Lázara do Deza, Nadia González de A Silva e Irene Vázquez do Atletimo Narón loitarán por mellorar rexistros e marcas.
Esta destacada cita atlética en terras ourensás contará ademais coa participación destacada de Adolfo Sáinz Maza do Real Club Celta que intentará reeditar o título absoluto logrado o ano pasado na pista cuberta.
Xunto ao lucense estará o subcampión galego absoluto de aire libre Nicolás Arias da Atlética lucense e o subcampión galego máster 50 José Luis Domínguez do AVA.
