As atletas do equipo feminino da Sociedad Gimnástica de Pontevedra finalizaron en cuarta posición o seu concurso na Copa de España de Atletismo ao aire libre na categoría Prata, Copa Iberdrola. O club galego sumou un total de 92 puntos.
A corredora venezolana Joselyn Brea (SG Pontevedra), foi elixida MBA da competición ao asinar un tempo de 9:23.72 na proba de 3000 ml. Esa marca é, ademais, récord de Venezuela.
Cuartas clasificadas en la #CopaIberdrola plata con 92 puntos 🏆. ¡¡Muy bien peleado, muchachas valerosas!! 👏🏽🔥
Además, @JoselynBrea fue MBA del encuentro por los 9:23.72 en los 3000ml, que es Récord de Venezuela 🇻🇪
@atletismorfea #CEclubes2020 pic.twitter.com/xLrBhj4ip8
— Sociedad Gimnástica (@SGimnastica) September 5, 2020
A competición estivo marcada polo cumprimento dun estricto protocolo de prevención do contaxio da COVID-19 no que todas as persoas presentes no recinto tiveron que respectar medidas como a distancia e o uso de máscaras de protección.
A RFEA dispuxo un protocolo de prevención un “Equipo protección COVID-19”, cuxa misión era velar polo cumprimento do protocolo AntiCOVID. Tal e como informaba previamente á competición a propia Federación, neste evento o “primordial” era “a proteción da saúde de todas as persoas presentes na instalación”. Por ese motivo, contouse con “estrictas medidas sanitarias e de prevención contra a COVID-19″.
😷 Mascarillas obligatorias
🧴 Desinfección de material de competición
🧴 Desinfección de colchonetas
👟 Desinfección de tacos de salida
La #CopaIberdrola #CEclubes2020 en un #EntornoSeguro 💚 #AtletismoResponsable pic.twitter.com/7VxGKGtG5r
— atletismoRFEA (@atletismoRFEA) September 5, 2020
Entre das medidas estivo o feito de que a competición tivo lugar a porta pechada, é dicir, sen asistencia de público, puidendo acceder so as persoas debidamente acreditadas con antelación. Foron perceptivas medidas como o “uso de mascaras, obrigatorias en toda a instalación, os protocolos de limpeza, desinfección e hixiene en espazos e material de competición, a toma de temperatura nos accesos e a distancia de seguridade mínima de 1,5 m en todo o estadio”.
Copa Iberdrola categoría Prata feminina
O Estadio de Vallehermoso, en Madrid, acollería a cita que empezou ás 10:30h. Abría a competición deste campionato de clubs o lanzamento de martelo, onde Iria Filgueira faría un mellor concurso de de 39,65m. Esa distancia colocouna en sétima posición.
https://twitter.com/i/status/1302177742297993216
Ao mesmo tempo, disputouse o salto con pértega. A moza debutante Helena Suárez saltaría un máximo de 2,40m que a colocaría en oitava posición.
O primeiros oito puntos da Sociedad Gimnástica de Pontevedra chegarían da man de Antía Chamosa nos 5.000m marcha. A atleta internacional competiría soa de principio a fin e chegaría a meta cunha marca de 23:41.31, o que suporía o seu mellor marca da tempada e marca do club, tamén foi a terceira mellor marca española do año.
Poucos minutos máis tarde, chegaría o segundo primeiro posto. Joselyn Brea que, saíndo como un foguete, cruzaría a liña de meta nun tempo de 9:23.72, indo soa os 3000ml. A triatleta conseguiría, ademais, o premio como mellor atleta do encontro (MBA) polo gran rexistro obtido que é marca de Venezuela.
Cuartas clasificadas en la #CopaIberdrola plata con 92 puntos 🏆. ¡¡Muy bien peleado, muchachas valerosas!! 👏🏽🔥
Además, @JoselynBrea fue MBA del encuentro por los 9:23.72 en los 3000ml, que es Récord de Venezuela 🇻🇪
@atletismorfea #CEclubes2020 pic.twitter.com/xLrBhj4ip8
— Sociedad Gimnástica (@SGimnastica) September 5, 2020
Mentres tanto, seguíanse desenvolvendo os concursos. Marta Barragáns, cun mellor intento de 5,18m quedou quinta en salto de lonxitude. Mesmo resultado foi os que obtiveron as dúas compañeiras de adestramento Claudia Puig en lanzamento de disco (33,80m) e Andrea González en xavelina (39.49m).
Rascaría un punto máis Sandra Carballo en lanzamento de peso, posto que, cun rexistro de 11,19m quedou cuarta clasificada. Esta marca obtida no primeiro intento supón a súa mellor marca persoal.
Andrea Villaverde en salto de altura tamén quedou ás portas do podium ao fallar sobre 1,55 e quedar con 1,50m.
As velocistas
Volvendo ás carreiras, Eugenia Gil acabou segunda nos 400ml, realizando o seu mellor marca da tempada (57.88). A súa compañeira Iris Vilches na mesma distancia, pero con valos, faría 1:09.39. Nos 800ml Paula de la Torre pararía o cronómetro en 2:20.28 e entraría na meta no quinto posto.
En velocidade, Claudia Torres faría 26.84 nos 200ml. Nos 100m, tanto lisos como en valos, as dúas atletas conseguirían superar as súas marcas desta tempada. Nos lisos, Cristina Garrido, que presentaba unhas molestias no xeonllo que lle imposibilitaron adestrar en condicións esta semana, faría un tempo de 12.44 chegando á meta no terceiro posto.
En 100m valos, a súa compañeira de adestramento Lucía Ferrer achegaríase á barreira dos 15 segundos parando o cronómetro en 15.06.
Lucía Ferrer, atleta / SG PONTEVEDRAA última marca da tempada caería sobre as pernas de Sharay Astariz nos 1500ml, xa que faría un rexistro de 5:09.93.
Os dous últimos resultados antes dos relevos foron dous segundos postos de Eva Arias e Alba Cuns. A primeira faría 11:17.18 nos 3000m obstáculos, nunha proba na que foi soa case toda a carreira, xa que a primeira clasificada escapouse aos poucos instantes do pistoletazo de saída. A segunda, cun concurso bastante regular, faría un mellor intento de 11.98m.
Os relevos, decisivos
Con estes resultados, a Sociedad Gimnástica de Pontevedra chegaría ás probas de relevos en quinta posición con 82 puntos, empatadas co Tenerife Caixa Canarias, que serían cuartas. Por tanto, as dúas últimas probas foron determinantes.
No relevo curto, composto por Lucía Ferrer, Cristina Garrido, Claudia Torres e Alba Cuns, chegarían á meta en segunda posición (48.57), polo que achegarían sete puntos máis ao club. Desta forma, cun total de 89 unidades, escalariamos até o terceiro posto, empatadas co CA Valladolid.
Con todo, os relevos 4×400 foron decisivos. Eugenia Gil, Iris Vilches, Paula da Torre e Joselyn Brea farían as catro voltas nun rexistro total de 4:10.79, quedando sextas clasificadas.
Satisfacción de Santi Ferrer, director técnico da SG Pontevedra
Finalmente, o equipo feminino da Sociedad Gimnástica de Pontevedra conseguirían un total de 92 puntos, quedando cuartas clasificadas, competindo contra equipos de División de Honra, a máxima categoría nacional e os mellores de Primeira División. Santi Ferrer, director técnico do equipo feminino, mostrouse moi “satisfeito cos resultados e as marcas obtidos despois deste ano tan complicado”.
O primeiro posto foi para o NERMA – Cueva de Nerja-UMA con 121 puntos, seguido de AACB – AA Catalunya con 96, e CAVVA – CA Valladolid-U.Va con 95 puntos.
RESULTADOS DA COPA DE ESPAÑA DE ATLETISMO 2020 CATEGORÍA PRATA
Podes ver nesta ligazón á páxina de Facebook da RFEA toda a competición da Copa Iberdrola.