Os órganos de goberno competentes da Federación Galega de Atletismo (FGA) aprobaron a modificación do Calendario de Campionatos de Galicia de Inverno en pista como consecuencia das novas medidas sanitarias aprobadas recentemente polo Goberno da Xunta. Pontevedra, Toques, Ourense e Lugo acollerán citas atléticas.
Segundo explican desde a FGA “non foi nada doado encadrar as diferentes datas e probas habida conta das datas tan avanzadas nas que estamos. Este motivo obrigrou a ¨espremer¨ ao máximo cada fin de semana na procura de que cada categoría tivera o seu campionato, eso si, adaptados sempre as diferentes normativas sanitarias e facendo que tanto este mes como marzo, veñan cargados de campionatos e controis”.
As medidas sanitaras seguirán obrigando a efectuar probas de medio fondo e fondo das categorías Sub10, Sub12, Sub14 Sub16, Sub18, Sub20 e Sub23 e máster ao aire libre e cuxo escenario seguirá sendo, como ata o de agora, as pistas do Centro Galego de Tecnificación Deportiva (CGTD) de Pontevedra.
Efecturase test de antíxenos no Campionato Galego Absoluto
Como nota destacada compre salientar que a Xunta de Galicia comunicou a autorización para a realización dos test de antíxenos no Campionato de Galicia Absoluto, o cal permitirá o desenvolvemento das probas de rúa libre no recinto cuberto xunto ao resto de actividade competitiva. A cita está fixada para o 14 de marzo próximo
Por tal motivo, o Comité COVID “atópase efectuando intensas xestións para determinar de que meneira, forma e medida se van poder desenvolver estos test, estando sobre a mesa varias opcións das que iremos informando a medida que se vaian concretando”, explican desde a FGA
Segundo informa a FGA “todos os campionatos terán cabida nesta apretada axenda invernal cuxa data importante será o 14 de marzo co desenvolvemento do Campionato de Galicia Absoluto. De igual modo os máster, os menores, os lanzamentos e as combinadas contarán ca celebración das súas citas autonómicas”.
