Os clubs de atletismo galegos fixeron un bo papel no Campionato de España de Campo a través por clubs que se disputou la localidade burgalesa de Atapuerca.
Entre as distintas actuacións, o máis salientable foi a medalla de bronce lograda polo equipo masculino Sub-20 do Real Club Celta que subían ao podio grazas ao excelente traballo realizado no colectivo. O mellor clasificado do equipo vigués foi Hugo García quen entraba en meta no noveno lugar. Xunto ao medallista de bronce Sub-20 dos 1.500 m. deste ano, entraba Hugo Suárez no posto 29º; Mateo Rodríguez no 55º; Mario Rodríguez no 92º; Sergio Souto no 120º e Marcos Rivas 141º .
Sen abandoar a categoría Sub-20, destacamos de igual modo o quinto posto protagonizado polo conxunto feminino da Gimnástica de Pontevedra quen estivo liderada por Isabel Caeiro como a súa mellor atleta ao entrar no posto 26ª.
Non menos salientable resultou o cuarto lugar na modalidade de remuda mixta do ADAS CUPA quen a piques estivo de lograr o bronce nunha chegada de foto finish protagonizada co equipo do AA Catalunya quen finalmente sería o que lograba o metal. Formaron parte do equipo barquense Ignacio García, Loreto Pacho, Sergio Alegre e Inés Docampo.
Mención especial para o noveno posto masculino Sub-18 da Atlética Lucense e o sétimo do conxunto feminino do Club Atletismo Santiago na categoría Sub-23.
Bos resultados galegos na competición individual
Si todo esto sucedía a nivel colectivo, a nivel individual subliñamos a formidable actuación dos galegos Sub-16 que coparon os postos de honra co terceiro posto para Lucas García do Ría de Foz; o cuarto de Asheber Díaz da Agrupación Viguesa ; o quinto de Teo de Frutos do Lucus Caixa Rural e o décimo lugar para Lucas Riola do Atletismo Narón. Estes resultados deixan moi boas sensacións de cara ao Campionato de España Sub-16 por Seleccións autonómicas.
Outras das notables actuacións son as que protagonizaron as Sub-20 logo do quinto posto de Antía Castro do Ourense Atletismo, o sexto de Inés do Campo do ADAS CUPA xunto ao décimo cuarto de Xela Martínez da Atlética Lucense.
No resto, destacamos o sexto lugar de Mehdi El Nabaoui do Oriente Atletismo e os oitavos de María Cedrón do ADAS CUPA na categoría Sub-23 e de Leyle Villar do Ourense Atletismo na Sub-18.
